- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئەنگلىيە جەبىلتارىق ماجىراسى توغرىسىدا قانۇنىي ھەرىكەت قوللانماقچى بولۇۋاتىدۇ
2013.08.13 15:41 مەنبە: شىنجاڭ گېزىتى
فىرانسىيە ئاخبارات ئاگېنتلىقىنىڭ خەۋىرىگە قارىغاندا، ئەنگلىيە بىلەن ئىسپانىيىنىڭ جەبىلتارىق توغرىسىدىكى تالاش – تارتىشى كۈنسايىن كەسكىنلەشكەن. ئەنگلىيە 12 – ئاۋغۇست: ئىسپانىيەنىڭ جەبىلتارىق چېگراسىدا قاتتىق تەكشۈرۈش تەدبىرى قوللانغانلىقىغا قانۇنىي ھەرىكەت قوللىنىشنى ئويلاشتۇق، دېگەن. ئىسپانىيە: ب د ت ياكى خەلقئارا سوتقا بۇ تالاش – تارتىشنى ھەل قىلىپ بېرىشنى مۇراجىئەت قىلىمىز، دېگەن.
ئەنگلىيە باش ۋەزىرى كامېرۇننىڭ باياناتچىسى 12 – ئاۋغۇست: ئىسپانىيە ئەسكەرلىرى قاتتىق بىخەتەرلىك تەكشۈرۈشىنى ئىجرا قىلغاچقا، ئىسپانىيە بىلەن جەبىلتارىق چېگراسىدا قاتناش بىر نەچچە سائەت توسۇلۇپ قالدى، بۇ ‹‹سىياسىي غەرەز يوشۇرۇنغان قاملاشمىغان ھەرىكەت››، دېدى. ئىسپانىيە دىپلوماتىيە مىنىستىرلىقىنىڭ باياناتچىسى مۇنداق دېدى: ب د ت ياكى گائاگا خەلقئارا سوت مەھكىمىسى قاتارلىق خەلقئارا ئاپپاراتلارغا جەبىلتارىق توغرىسىدىكى تالاش – تارتىشنى ھەل قىلىپ بېرىشنى مۇراجىئەت قىلىمىز.
ئەنگلىيە ھەربىي مانېۋىر ئۆتكۈزۈشكە تەييارلىق قىلىش ئۈچۈن، 12 – ئاۋغۇست ئوتتۇرا دېڭىزغا بىر نەچچە ھەربىي پاراخوت ئەۋەتتى.
مەسئۇل مۇھەررىر : ھەبىبە ئىسمائىل