خەلق تورىنىڭ 10-ئاپرېل بېيجىڭدىن بەرگەن خەۋىرى. گوللاندىيە GPS يول يېتەكچىسى تېخنىكىسى شىركىتى TomTom يېقىندا 2012-يىلىدىكى شەھەرلەرنىڭ قىستاڭچىلىق كۆرسەتكۈچىنى ئېلان قىلدى، بۇ تىزىملىكتە رۇسىيە پايتەختى موسكىۋا ئالدىنقى تۇرغان.
TomTom شىركىتىنىڭ يىللىق دوكلاتىدا مۇنداق دېيىلگەن :« موسكىۋادىكى قاتناش قىستاڭچىلىقى تۈپەيلىدىن، ئامما ئوتتۇرا ھېساب بىلەن يولدا %66 ۋاقىتنى ئارتۇق ئىسراپ قىلىدۇ، بۇلۇپمۇ سەھەردە ئىشقا ماڭغاندا %106 ۋاقىتنى ئارتۇق سەرپ قىلىدۇ، كەچتە ئىشتىن چۈشكەندە %138 ۋاقىتنى ئارتۇق سەرپ قىلىدۇ، ئوتتۇرا ھېساب بىلەن، موسكىۋا خەلقى 2012-يىلى قاتناش قىستاڭچىلىقى تۈپەيلىدىن ئىسراپ قىلىۋەتكەن ۋاقىت 127 سائەتكە يەتكەن.»
موسكىۋادىن باشقا يەنە، ئون چوڭ قىستاڭچىلىق بولىدىغان شەھەر تۈركىيەدىكى ئىستانبۇل، پولشا پايتەختى ۋارشاۋا، فىرانسيەنىڭ مارېسل شەھىرى، ئىتالىيە سىلسىيە ئارىلىنىڭ پايتەختى بارىمو، ئامېرىكىنىڭ لوس ئانجىلىس شەھىرى، ئاۋىسترالىيەنىڭ سېدنىي شەھىرى، گىرمانىيەنىڭ ستۇتگارد شەھىرى، فىرانىسيە پايتەختى پارىژ ۋە ئىتالىيە پايتەختى رىم قاتارلىقلار ئىكەن. بۇ دوكلاتقا ئاسىيادىكى دۆلەتلەردىكى سانلىق مەلۇماتلار كىرگۈزۈلمىگەچكە، جۇڭگونىڭ شەھەرلىرى بۇ تىزىملىككە كىرمەي قالغان.