- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئامېرىكا ئىندىيانا ئىشتاتىنىڭ مەركىزىدە پارتلاش يۈز بېرىپ، ئىككى ئادەم قازا قىلدى
2012.11.12 14:41 مەنبە: تەڭرىتاغ ئۇيغۇر تورى
جۇڭگو ئاخبارات تورى 12-نويابىر تېلېگراممىسى : چەت ئەل ئاخبارات ۋاستىلىرىنىڭ خەۋەر قىلىشىچە ، ئامېرىكا ئىندىيانا ئىشتاتىنىڭ مەركىزى ئىندىياناپولىسنىڭ جەنۇبىدىكى بىر تۇرالغۇ رايونىدا 10–نويابىر كەچتە غايەت زور پارتلاش يۈز بېرىپ ، ئىككى ئادەم قازا قىلىپ ، ئەتراپتىكى 27 كورپۇس بىنا بۇزۇلۇپ كەتكەن .
مارىئېمبۇرگ ناھىيەسىنىڭ ساقچى باشلىقى لەيتون مۇنۇلارنى بىلدۈردى : پارتلاش ناھايىتى كۈچلۈك بولۇپ ، كىشىلەر بەش كىلومېتىر يىراقلىقتىمۇ پارتلاشنىڭ كۈچىنى ھېس قىلغان . پارتلاش يەنە كۈچلۈك ئوت ئاپىتىنى پەيدا قىلغاچقا ، نۇرغۇن ئۆيلەر كۆيۈپ كەتتى .
ئىگىلىنىشىچە ، ۋەقەنىڭ يۈز بېرىش سەۋەبى تېخى ئېنىق ئەمەسكەن . مىش–مىش پاراڭلارغا قارىغاندا ، بىر ئايروپىلان چۈشۈپ كېتىپ پارتلاش يۈز بەرگەن ئىكەن ، لېكىن ئىندىياناپولىس شەھىرىنىڭ شەھەر باشلىقى بۇنى ئىنكار قىلغان . ئوت ئۆچۈرۈش تارماقلىرى پارتلاش تەبىئىي گاز سەۋەبىدىن كېلىپ چىققان دەپ گۇمانلىنىۋېتىپتۇ، نۆۋەتتە ، پارتلاشنىڭ كونكرېت سەۋەبىنى تېخىمۇ ئىچكىرلەپ تەكشۈرۈلۈۋېتىپتۇ.
يەرلىك ئاھالىلەرنىڭ ئېيتىشىچە ، ۋەقە يۈز بەرگەن نەق مەيدان خۇددى جەڭ مەيدانىغا ئوخشاپ ، تۆت ئەتراپنى چاڭ–توزان قاپلىغان . نۆۋەتتە ، پارتلاش يۈز بەرگەن جاينىڭ ئەتراپىدىكى ئاھالىلەر كۆچۈرۈلۈپ بىر مەكتەپكە ئورۇنلاشتۇرۇلغان.
مەسئۇل مۇھەررىر : قەدىرىيە