شىنجاڭ ئۇيغۇر ئاپتونوم رايونى قۇمۇل شەھەرلىك پارتكومنىڭ شۇجىسى لى چېڭخۇي ئىنتىزام تەكشۈرۈشى ۋە رېۋىزىيە تەكشۈرۈشىنى قوبۇل قىلدى

　　شىنجاڭ ئۇيغۇر ئاپتونوم رايونلۇق ئىنتىزام تەكشۈرۈش كومىتېتى، رېۋىزىيە كومىتېتىنىڭ خەۋىرىگە قارىغاندا، قومۇل شەھەرلىك پارتكومنىڭ شۇجىسى لى چېڭخۇي قانۇن-ئىنتىزامغا ئېغىر خىلاپلىق قىلىشقا چېتىلىپ، تەشەببۇسكارلىق بىلەن ئۆزىنى مەلۇم قىلغان، ھازىر شىنجاڭ ئۇيغۇر ئاپتونوم رايونلۇق ئىنتىزام تەكشۈرۈش كومىتېتى، رېۋىزىيە كومىتېتىنىڭ ئىنتىزام تەكشۈرۈشى ۋە رېۋىزىيە تەكشۈرۈشىنى قوبۇل قىلماقتا.

لى چېڭخۇينىڭ قىسقىچە تەرجىمىھالى

لى چېڭخۇي، ئەر، خەنزۇ، 1968-يىلى 1-ئايدا تۇغۇلغان، كومپارتىيە ئەزاسى، خىزمەتتىكى ئالىي مەكتەپ ئوقۇش تارىخىغا ئىگە. فۇكاڭ شەھەرلىك پارتكومنىڭ شۇجىسى، سانجى شەھەرلىك پارتكومنىڭ شۇجىسى، سانجى ئوبلاستلىق پارتكوم دائىمىي كومىتېتىنىڭ ئەزاسى، ئاپتونوم رايونلۇق ج خ نازارىتى پارتكومىنىڭ مۇئاۋىن شۇجىسى، مۇئاۋىن نازىرى، سىياسىي بۆلۈمنىڭ مۇدىرى، قەشقەر ۋىلايەتلىك پارتكومنىڭ مۇئاۋىن شۇجىسى، سىياسىي-قانۇن كومىتېتىنىڭ مۇئاۋىن شۇجىسى، قۇمۇل شەھەرلىك پارتكومنىڭ شۇجىسى بولغان.




　　كۆرۈپ بېكىتكۈچى: تۇرغۇن ئابلىز



　　مەنبە: خەلق تورى