13-نۆۋەتلىك مەملىكەتلىك خەلق قۇرۇلتىيىنىڭ 5-يىغىنىغا قاتنىشىدىغان شىنجاڭ ۋەكىللەر ئۆمىكى ئومۇمىي يىغىن ئۆتكۈزدى

　　خەلق تورى ئۇيغۇرچە قانىلىنىڭ 3-ئاينىڭ 4-كۈنى بېيجىڭدىن بەرگەن تېلېگراممىسى: يىغىننىڭ بىر تۇتاش ئورۇنلاشتۇرۇشىغا ئاساسەن، 3-ئاينىڭ 3-كۈنى چۈشتىن كېيىن، 13-نۆۋەتلىك مەملىكەتلىك خەلق قۇرۇلتىيىنىڭ 5-يىغىنىغا قاتنىشىدىغان شىنجاڭ ۋەكىللەر ئۆمىكى تۇرۇشلۇق جايدا ئومۇمىي يىغىن ئۆتكۈزدى. مەملىكەتلىك خەلق قۇرۇلتىيى ۋەكىلى، ئاپتونوم رايونلۇق پارتكومنىڭ شۇجىسى ما شىڭرۇي يىغىنغا رىياسەتچىلىك قىلدى

　　يىغىندا ئاۋاز بېرىش ئارقىلىق ما شىڭرۇي شىنجاڭ ۋەكىللەر ئۆمىكىنىڭ باشلىقلىقىغا، ئەركىن تۇنىياز، شاۋكەت ئىمىن مۇئاۋىن ئۆمەك باشلىقلىقىغا سايلاندى.

　　يىغىندا 13-نۆۋەتلىك مەملىكەتلىك خەلق قۇرۇلتىيى 5-يىغىنىنىڭ ھەيئەت رىياسىتى ۋە باش كاتىپ ئىسىملىكى لايىھەسى، يىغىن قارالمىسى لايىھەسى قاراپ چىقىلدى.

　　ما شىڭرۇي مۇنداق كۆرسەتتى: 13-نۆۋەتلىك مەملىكەتلىك خەلق قۇرۇلتىيىنىڭ 5-يىغىنى پۈتۈن پارتىيە، پۈتۈن مەملىكەت بويىچە يۇقىرىدىن تۆۋەنگىچە پارتىيە 19-نۆۋەتلىك مەركىزىي كومىتېتى 6-ئومۇمىي يىغىنىنىڭ روھىنى چوڭقۇر ئۆگىنىپ، ئىزچىللاشتۇرۇپ، پارتىيە 20-قۇرۇلتىيىنىڭ غەلىبىلىك ئېچىلىشىنى كۈتۈۋالىدىغان ئاچقۇچلۇق پەيتتە ئېچىلغان بىر قېتىملىق ئىنتايىن مۇھىم يىغىن، دۆلىتىمىزنىڭ سىياسىي تۇرمۇشىدىكى چوڭ ئىش. بۇ قېتىمقى يىغىننى ياخشى ئېچىش ئىدىيەنى بىرلىككە كەلتۈرۈپ، ئىشەنچنى چىڭىتىپ، پۈتۈن مەملىكەتتىكى ھەر مىللەت خەلقنى ئەقىل-پاراسەت ۋە كۈچنى پارتىيە مەركىزىي كومىتېتىنىڭ تەدبىر-ئورۇنلاشتۇرمىلىرىغا مۇجەسسەملەپ، ئەمەلىي ھەرىكىتى ئارقىلىق پارتىيە 20-قۇرۇلتىيىنىڭ غەلىبىلىك ئېچىلىشىنى كۈتۈۋېلىشقا سەپەرۋەر قىلىشتا ئىنتايىن مۇھىم ئەھمىيەتكە ئىگە. بىز شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىشتا چىڭ تۇرۇپ، «تۆت ئاڭ»نى كۈچەيتىپ، «تۆت ئىشەنچ»نى چىڭىتىپ، «ئىككىنى قوغداش»نى ئىشقا ئاشۇرۇپ، سىياسىي ھۆكۈم قىلىش ئىقتىدارى، سىياسىي چۈشىنىش ئىقتىدارى، سىياسىي ئىجرا قىلىش ئىقتىدارىمىزنى ئۆستۈرۈپ، ئىدىيە ۋە ھەرىكەتنى باش شۇجى شى جىنپىڭنىڭ مۇھىم سۆزىنىڭ روھى ۋە پارتىيە مەركىزىي كومىتېتىنىڭ تەدبىر-ئورۇنلاشتۇرمىلىرى ئاساسىدا قەتئىي بىرلىككە كەلتۈرۈشىمىز كېرەك؛ كۈچلۈك سىياسىي مەسئۇلىيەت تۇيغۇسى، كۆتۈرەڭگۈ روھىي ھالەت، راستچىل، ئەمەلىيەتچىل بولۇش خىزمەت ئىستىلى، ئاساسىي قانۇن ۋە قانۇنلاردا يۈكلەنگەن مۇقەددەس مەسئۇلىيىتىنى سادىقلىق بىلەن ئادا قىلىپ، يىغىننىڭ تەلىپى ۋە شىنجاڭنىڭ ئەمەلىيىتىگە زىچ بىرلەشتۈرۈپ چارە-تەدبىر كۆرسىتىپ، جاسارەت بىلەن ئىلگىرىلەش يېڭى مۇساپىسىدە تېخىمۇ كۆپ ھەقىقىي تەدبىرلەرنى توپلاپ، سىياسىي ئىنتىزام ۋە يىغىن ئىنتىزامىغا قاتتىق رىئايە قىلىپ، ئەمەلىي، يۇقىرى ئۈنۈملۈك ياخشى ئىستىل تۇرغۇزۇپ، يىغىننىڭ تۈرلۈك ۋەزىپىلىرىنى پۈتۈن كۈچ بىلەن ياخشى ئورۇنداپ، يىغىننىڭ ئوڭۇشلۇق ئېچىلىشىغا كاپالەتلىك قىلىشىمىز كېرەك.

　　كۆرۈپ بېكىتكۈچى: ياسىن قادىر

　　مەنبە: خەلق تورى