شىنجاڭ پەن-تېخنىكا جەمئىيىتىنىڭ مۇئاۋىن رەئىسى: ھەر مىللەت خەلقنىڭ سىياسىي ھوقۇقى تولۇق كاپالەتلەندۈرۈلدى، كىشىلىك ھوقۇق ئىشلىرى ھاياتىي كۈچكە تولدى

　　خەلق تورى ئۇيغۇرچە قانىلىنىڭ 16- ئىيۇل بېيجىڭدىن بەرگەن تېلېگراممىسى: 7- ئاينىڭ 15- كۈنى، دىپلوماتىيە مىنىستىرلىقى بىلەن شىنجاڭ ئۇيغۇر ئاپتونوم رايونلۇق خەلق ھۆكۈمىتى بىرلىشىپ ئۆتكۈزگەن 13- مەيدان شىنجاڭغا ئالاقىدار مەسىلىلەر توغرىسىدىكى ئاخبارات ئېلان قىلىش يىغىنىدا، شىنجاڭ ئۇيغۇر ئاپتونوم رايونلۇق پەن-تېخنىكا جەمئىيىتىنىڭ مۇئاۋىن رەئىسى گۈلنار ئوبۇل تونۇشتۇرۇپ مۇنداق دېدى: شىنجاڭ ئەزەلدىن كۆپ مىللەت توپلىشىپ ئولتۇراقلاشقان جاي، ھازىر 56 مىللەت بار. نوپۇسىنىڭ ئاز-كۆپلۈكى، تەرەققىيات دەرىجىسىنىڭ يۇقىرى-تۆۋەنلىكى، دىنىي ئېتىقادىنىڭ پەرقلىق بولۇشىدىن قەتئىينەزەر، شىنجاڭدىكى ھەر مىللەت خەلق باراۋەر ئورۇنغا ئىگە، ھوقۇقتىن قانۇن بويىچە باراۋەر بەھرىمەن بولىدۇ، مەجبۇرىيەتنى ئوخشاش ئادا قىلىدۇ. شىنجاڭ ھازىر شىنجاڭنى قانۇن بويىچە ئىدارە قىلىشنى ئومۇميۈزلۈك يولغا قويدى، ھەر مىللەت ئاممىنىڭ سىياسىي ھوقۇقى ئۈزلۈكسىز كېڭەيدى، ھەر مىللەت ئاممىنىڭ ئۆز ئىشىغا ئۆزى خوجا بولۇش سىياسىي ھوقۇقى تولۇق كاپالەتلەندۈرۈلدى، كىشىلىك ھوقۇق ئىشلىرى جۇشقۇن ھاياتىي كۈچكە تولدى.

　　كۆرۈپ بېكىتكۈچى: موللانىياز تۇنىياز

　　مەنبە: خەلق تورى