ئۈرۈمچى شەھەرلىك مېتېئورولوگىيە ئىستانسىسى تۇماندىن سېرىق رەڭلىك ئاگاھلاندۇرۇش سىگنالى تارقاتتى

　　تىيانشان تورى خەۋىرى (مۇخبىرىمىز يۈ مېڭفەن خەۋەر قىلىدۇ): 2- ئاينىڭ 25- كۈنى سائەت 10دىن 27 مىنۇت ئۆتكەندە، ئۈرۈمچى شەھەرلىك مېتېئورولوگىيە ئىستانسىسى تۇماندىن سېرىق رەڭلىك ئاگاھلاندۇرۇش سىگنالى تارقاتتى: مۆلچەرلىنىشچە، بۈگۈن كۈندۈزدە مەركىزىي شەھەر رايونى، مىچۈەن-دۇڭسەن رايونى ۋە داۋانچىڭ رايونىدا كۆرۈش دەرىجىسى 500 مېتىردىن تۆۋەن بولغان قويۇق تۇمان كۆرۈلىدىكەن، قىسمەن جايلاردا كۆرۈش دەرىجىسى 200 مېتىردىن تۆۋەن بولغاچقا، يول قاتنىشىغا تەسىر كۆرسىتىدىغان بولۇپ، ئالدىنى ئېلىش كېرەككەن.