ئىلگىرىكى كەچلىك بازاردا يېڭىدىن تىجارەت باشلىنىپ، ئۈرۈمچىنىڭ ياز كېچىسى جانلاندى

　　ئۈرۈمچىدىكى «1-ماي» شىڭگۇاڭ كەچلىك بازىرىدا، كىشىلەر ئۆچرەتتە تۇرۇپ كاۋاپ قاتارلىق نازۇ-نېمەتلەرنى سېتىۋالماقتا (6-ماي تارتىلغان سۈرەت).

　　خەلق تورى ئۇيغۇرچە قانىلىنىڭ 13- ماي بېيجىڭدىن بەرگەن تېلېگراممىسى: قاراڭغۇ چۈشۈپ، نېئون لامپىسى ئاسماننى يورۇتتى، «1-ماي» شىڭگۇاڭ كەچلىك بازىرى قاينام-تاشقىنلىققا چۆمدى، ئۈرۈمچى «كېچە بولماس شەھەر»گە ئايلاندى.

　　ئۈرۈمچىدىكى ئىنتايىن داڭلىق، ئەڭ بۇرۇن قۇرۇلغان، كۆلىمى ئەڭ چوڭ كەچلىك بازار − «1-ماي» شىڭگۇاڭ كەچلىك بازىرى بۇ يىل 5-ئاينىڭ بېشىدا دەرىجىسىنى ئومۇميۈزلۈك ئۆستۈرۈپ، مېھمانلارنى كۈتۈۋالدى. يېقىنقى كۈنلەردىن بۇيان، داڭقىنى ئاڭلاپ كەلگەن شەھەر ئاھالىلىرى ۋە دۆلەت ئىچى-سىرتىدىن كەلگەن ساياھەتچىلەرنىڭ ئايىغى ئۈزۈلمىدى.

　　كۆرۈپ بېكىتكۈچى: ياسىن قادىر

　　مەنبە: خەلق تورى