مۇخبىرىمىز جۇ كەيلى خەۋىرى، فوتوسى: ئاپتونوم رايونىمىزنىڭ ئىسلاھات، ئېچىۋېتىش يولغا قويۇلغانلىقىنىڭ 40 يىللىقىنى تەبرىكلەش ۋە مەملىكەتلىك مۇنەۋۋەر رېئال تېمىدىكى سەھنە ئەسەرلىرى كۆرىكى پائالىيىتى 11-ئاينىڭ 23-كۈنىدىن 12-ئاينىڭ ئاخىرىغىچە ئۈرۈمچى شەھىرى ۋە سانجى خۇيزۇ ئاپتونوم ئوبلاستىدا ئۆتكۈزۈلىدۇ. سەھنە ئەسەرلىرى كۆرىكى دراما، بالىلار تىياتىرى، ناخشا - ئۇسسۇللۇق شېئىر، مۇزىكىلىق دراما، سېرك، ئۇسسۇللۇق تىياتىر قاتارلىقلار ئالتە تىياتىر ۋە ئىككى مەيدان كونسېرتنى ئۆز ئىچىگە ئالىدۇ.
ئىگىلىنىشىچە، پات ئارىدا ئۆتكۈزۈلىدىغان بۇ مەدەنىيەت كاتتا زىياپىتىگە قاتناشتۇرۇلغان ئەسەرلەر ئاپتونوم رايونلۇق مەدەنىيەت نازارىتىگە بىۋاستە قاراشلىق سەنئەت ئۆمەكلىرى، شىنجاڭ ئىشلەپچىقىرىش ــ قۇرۇلۇش بىڭتۈەنى ھەمدە سانجى ئوبلاستلىق ئەدەبىيات-سەنئەت ئۆمەكلىرى تەييارلىغان نادىر ئەسەرلەر بولۇپ، ھەر ھەپتىدە ھەر خىل مول مەزمۇنلۇق ئەسەرلەر ئامما بىلەن يۈز كۆرۈشىدىكەن.
«ئىسلاھات، ئېچىۋېتىشنىڭ 40 يىللىقىنى تەبرىكلەش مۇزىكا كېچىلىكى» بۇ قېتىمقى كۆرەك پائالىيىتىنىڭ باشلىنىش ئويۇنى بولۇپ، تارىخى بۇرۇلۇش، گۈزەل شىنجاڭ، شانلىق جۇڭگو قاتارلىق ئۈچ بۆلەكتىن تەركىب تاپقان.