8-ئاينىڭ 4-كۈنى، جۇڭگو- قازاقىستان قورغاس خەلقئارا چېگرا ھەمكارلىق مەركىزىدە، قازاقىستاندىن كەلگەن ئاپتوموبىللار ئۆچرەت بىلەن جۇڭگو تەرەپكە كىرمەكتە.
نۆۋەتتە، يازلىق ساياھەت يۇقىرى دولقۇنىنىڭ يېتىپ كېلىشىگە ئەگىشىپ، جۇڭگو-قازاقىستان قورغاس خەلقئارا چېگرا ھەمكارلىق مەركىزى بىر يىل ئىچىدىكى سودىنىڭ جانلىنىش مەزگىلىدە تۇرماقتا. قورغاس شەھەرلىك ئىستاتىستىكا ئىدارىسىنىڭ سانلىق مەلۇماتىغا قارىغاندا، بۇ يىلنىڭ ئالدىنقى يېرىمىدا، قورغاس تاموژنىسىدىن ئۆتكەن تاۋار سودا سوممىسى 20 مىليارد 686 مىليون يۈەن بولۇپ، بۇلتۇرقى ئوخشاش مەزگىلدىكىدىن %37.8 ئاشقان، بۇنىڭ ئىچىدە، جۇڭگو- قازاقىستان قورغاس خەلقئارا چېگرا ھەمكارلىق مەركىزىنىڭ سودا ئومۇمىي سوممىسى 5 مىليارد 381 مىليون يۈەن بولۇپ، ئوخشاش مەزگىلدىكىدىن %24.6 ئاشقان.
1881-يىلىلا قورغاس پورتىدىن تاۋارلار رەسمىي تاموژنىدىن ئۆتكۈزۈلگەن. 2012-يىلى، جۇڭگو-قازاقىستان قورغاس خەلقئارا چېگرا ھەمكارلىق مەركىزى ئىشقا كىرىشتۈرۈلگەن بولۇپ، ھازىر 5000غا يېقىن كارخانا بۇ جايغا ماكانلاشتى.
كۆرۈپ بېكىتكۈچى: ياسىن قادىر
مەنبە: خەلق تورى