خەلق تورى ئۇيغۇرچە قانىلىنىڭ 31-ماي بېيجىڭدىن بەرگەن تېلېگراممىسى: 5-ئاينىڭ 30-كۈنى، پويىز خادىمى ئۈرۈمچىدىن خوتەنگە بارىدىغان T9526/7 –قېتىملىق نۆۋەتچى پويىزنىڭ ئالدىدا تۇرۇپ، يولۇچىلارنىڭ پويىزغا چىقىشىغا يېتەكچىلىك قىلماقتا. شۇ كۈندىن باشلاپ، شىنجاڭ تۆمۈريول تارماقلىرى 2018-يىلى ئىچىدە يولۇچىلار نۆۋەتچى پويىزىنىڭ يول يۈرۈش خەرىتىسىنى 2-قېتىم تەڭشىدى. بۇ قېتىملىق يول يۈرۈش خەرىتىسى تەڭشەلگەندىن كېيىنكى ئاساسلىق ئۆزگىرىش بولسا، غۇلجىدىن قورغاسقا بارىدىغان K9761/2-قېتىملىق يولۇچىلار تېز پويىزىدىن بىر جۈپ، ئۈرۈمچىدىن كۇيتۈنگە بارىدىغان K9751/2، K9753/4-قېتىملىق يولۇچىلار تېز پويىزىدىن ئىككى جۈپ كۆپەيتىلدى. غۇلجىدىن قەشقەرگە بارىدىغان K9516/7، T9518/5-قېتىملىق ۋە ئۈرۈمچىدىن خوتەنگە بارىدىغان T9526/7، T9528/5-قېتىملىق نۆۋەتچى پويىزى لەنجۇ-شىنجاڭ مەخسۇس لىنىيەسىنىڭ ئۇزارتىلغان يۈرۈش بۆلىكى تۇرپان شىمالىي بېكىتىگىچە بارىدىغان بولۇپ، پويىزنىڭ توختاش بېكىتىگە تۇرپان شىمالىي بېكىتى قوشۇلىدۇ.
ئۈرۈمچى تۆمۈريول ئىدارىسىنىڭ تونۇشتۇرۇشىچە، شىنجاڭ تۆمۈريول تارماقلىرى يېقىنقى ئىككى يىلدىن بۇيان يول يۈرۈش خەرىتىسىنى 20 قېتىم تەڭشىگەندىن كېيىن، لەنجۇ-شىنجاڭ يۇقىرى سۈرئەتلىك تۆمۈريولى غول لىنىيە قىلىنغان، جەنۇبىي ۋە شىمالىي شىنجاڭ تۆمۈريولى ئىككى قانات قىلىنغان غول قاتناش تورى تېخىمۇ راۋانلاشقان، ئىككى قاناتنىڭ قاپلاش دائىرىسى بارغانسىرى روشەن بولۇپ، جەنۇبىي ۋە شىمالىي شىنجاڭ ئاممىسىنىڭ سىرتقا چىقىشىغا تېخىمۇ كۆپ قولايلىقلارنى ياراتقان.
كۆرۈپ بېكىتكۈچى: ياسىن قادىر
مەنبە: خەلق تورى