خەلق تورى ئۇيغۇرچە قانىلىنىڭ 11-ماي بېيجىڭدىن بەرگەن تېلېگراممىسى: قۇرۇلۇش قىلغۇچىلارنىڭ كېچىنى كۈندۈزگە ئۇلاپ قۇرۇلۇش قىلىشى نەتىجىسىدە، كۈنەس دەرياسى چوڭ كۆۋرۈكى قۇرۇلۇشى نۆۋەتتە ئاسفالىت ياتقۇزۇش باسقۇچىغا قەدەم قويدى، 7-ئاينىڭ ئاخىرى قۇرۇلۇش تاماملىنىپ، قاتناش باشلىنىشى مۆلچەرلەنمەكتە. بۇ قۇرۇلۇش ئىلى دەرياسى تارماق ئېقىنىدىكى بىر بەلگە خاراكتېرلىك كۆۋرۈك بولۇپ قالىدۇ.
كۈنەس دەرياسى چوڭ كۆۋرۈكى دۆڭمازاردىن بىنەمگىچە بولغان بۆلەكتىكى بىر تۈرلۈك مۇھىم، قىيىن نۇقتىلىق قۇرۇلۇش بولۇپ، ئومۇمىي سېلىنمىسى 72 مىليون يۈەن، ئومۇمىي ئۇزۇنلۇقى 1117 مېتىر، جەمئىي 37 كۆۋرۈك ئەگمىسىدىن تۈزۈلگەن، ئىلى دەرياسىنىڭ يۇقىرى ئېقىنىدىكى كۈنەس دەرياسىنى تۆت قېتىم كېسىپ ئۆتىدۇ، ئاساسىي دەريا ئورنىنىڭ ئەڭ يۇقىرى سۇ ئورنى سەككىز مېتىر، دەريانىڭ ئەڭ كەڭ بۆلىكى 240 نەچچە مېتىر كېلىدۇ.
كۈنەس دەرياسى چوڭ كۆۋرۈكى غۇلجا ناھىيەسى بىلەن توققۇزتارا ناھىيەسىنى تۇتاشتۇرىدۇ، قوش يۆنىلىشلىك تۆت ئاپتوموبىل يولى تەسىس قىلىنغان، 1-دەرىجىلىك تاشيول ئۆلچىمىدە ياسالغان، كۆۋرۈك يۈزىنىڭ كەڭلىكى 24.5 مېتىر، لايىھەدىكى سائەتلىك سۈرئىتى سائىتىگە 80 كىلومېتىر.
دۆلەت يولى 577-لىنىيەسى دۆڭمازاردىن بىنەمگىچە بولغان يول بۆلىكى تاشيول قۇرۇلۇشى تۈرىنىڭ دىرېكتورى ۋاڭ پېيگو مۇنداق دېدى: ھازىر بۇ تۈرنىڭ ئاساسىي گەۋدە قۇرۇلۇشى پۈتۈنلەي تاماملاندى، بۇنىڭغا ھازىرغىچە جەمئىي سېلىنمىنىڭ % 80 ئىشلىتىلدى، پۈتكۈل تۈردە 7-ئاينىڭ 31-كۈنى قاتناش باشلاش پىلانلاندى.
كۆرۈپ بېكىتكۈچى: ياسىن قادىر
مەنبە: خەلق تورى