دۆلەت پىسخىكىلىق روھىي كېسەللىكلەر كىلىنىكىلىق مېدىتسىنا تەتقىقات مەركىزىنىڭ مۇدىرى، جۇڭنەن ئۇنىۋېرسىتېتىغا قاراشلىق شياڭيا 2- دوختۇرخانىسى روھىي كېسەللىكلەر تەتقىقات پەنلىرىنىڭ مۇدىرى ۋاڭ شياۋپىڭ (سولدىن بىرىنچى) دۆلەت پىسخىكىلىق روھىي كېسەللىكلەر كىلىنىكىلىق مېدىتسىنا تەتقىقات مەركىزى شىنجاڭ ئۇيغۇر ئاپتونوم رايونلۇق خەلق دوختۇرخانىسىدىكى تارماق مەركىزىگە ۋىۋىسكا بەرمەكتە.
خەلق تورى ئۇيغۇرچە قانىلىنىڭ 23- ئاپرېل بېيجىڭدىن بەرگەن تېلېگراممىسى: 4- ئاينىڭ 22- كۈنى، دۆلەت پىسخىكىلىق روھىي كېسەللىكلەر كىلىنىكىلىق مېدىتسىنا تەتقىقات مەركىزىنىڭ شىنجاڭ ئۇيغۇر ئاپتونوم رايونلۇق خەلق دوختۇرخانىسىدىكى شۆبە مەركىزى قۇرۇلدى.
ئەھۋالغا ئاساسلانغاندا، جۇڭنەن ئۇنىۋېرسىتېتىغا قاراشلىق شياڭيا 2- دوختۇرخانىسى باشلامچى بولۇپ قۇرغان دۆلەت پىسخىكىلىق روھىي كېسەللىكلەر كىلىنىكىلىق مېدىتسىنا تەتقىقات مەركىزى ـــــ ۋە ئۇنىڭ شىنجاڭ ئۇيغۇر ئاپتونوم رايونلۇق خەلق دوختۇرخانىسىدىكى تارماق مەركىزى نۇقتىلىق ھالدا، نېرۋىسى ئىلىشىپ قېلىش كېسىلى، تەنھالىقنى خالاش كېسىلى، خامۇشلۇق كېسىلى، زەخىملەنگەندىن كېيىنكى سېزىم توسالغۇغا ئۇچراش كېسىلى، ھاراق ۋە زەھەرگە خۇمارلىق كېسىلى قاتارلىق بەش تۈرلۈك روھىي كېسەللىكلەرنى دەسلەپكى مەزگىلدىلا پەرق ئېتىش تېخنىكىسى، كىلىنىكىلىق دىياگنوز قويۇش تېخنىكىسى، دەسلەپكى مەزگىلدىلا ئارىلىشىش ۋە داۋالاش ئەندىزىسىنىڭ قېلىپلاشتۇرۇلغان ھالدىكى كىلىنىكىلىق تەتقىقاتى ۋە ئۈلگە كۆرسىتىلىشى قاتارلىقلارنى قانات يايدۇرىدىكەن.
ئاپتونوم رايونلۇق خەلق دوختۇرخانىسى پارتكومىنىڭ شۇجىسى، مۇئاۋىن باشلىقى يۈ ئەيپىڭ مۇنداق دېدى: ئاپتونوم رايونلۇق خەلق دوختۇرخانىسى ئاكتىپ ھالدا دۆلەت پىسخىكىلىق روھىي كېسەللىكلەر كىلىنىكىلىق مېدىتسىنا تەتقىقات مەركىزى ( يەنى جۇڭنەن ئۇنىۋېرسىتېتىغا قاراشلىق شياڭيا 2- دوختۇرخانىسى) بىلەن ھەمكارلىشىپ، بۇندىن كېيىن رايون ھالقىغان مەخسۇس داۋالاش بىرلەشمە گەۋدىسى بەرپا قىلىش، يىراق مۇساپىلىك يوسۇندا تېخنىكا جەھەتتىن يېتەكچىلىك قىلىش، كىلىنىكىلىق سانلىق مەلۇماتلار ئامبىرىنى ئورتاق قۇرۇش ۋە ئۇنىڭدىن تەڭ بەھرىمەن بولۇش، (دىياگنوز قويۇش ۋە تەربىيەلەش جەھەتتىكى) تېلېمېدىتسىنا تېخنىكىسىدىن پايدىلىنىش قاتارلىق جەھەتلەردە، تېخنىكىلىق خادىملارنى ئالدى بىلەن تەربىيەلەش ۋە ئۇلارنىڭ بىلىمىنى ئاشۇرۇپ تۇرۇشنى ئىشقا ئاشۇرىدۇ.
كۆرۈپ بېكىتكۈچى: موللانىياز تۇنىياز
مەنبە: خەلق تورى