خەلق تورى ئۇيغۇرچە قانىلىنىڭ 13-ئاپرېل بېيجىڭدىن بەرگەن تېلېگراممىسى: («ئاقسۇ گېزىتى» ئىدارىسىدىن ئىختىيارىي مۇخبىرىمىز ئوسمانجان ئىسمائىل خەۋىرى، فوتوسى) شىنجاڭ «جىنخې شىڭگو» تور رەقەملىك پەن - تېخنىكا چەكلىك شىركىتىنىڭ ئونسۇ شۆبە شىركىتى 4-ئاينىڭ 10- كۈنى ئونسۇ ناھىيەلىك سىياسىي - قانۇن كومېتېتىغا 583 مىڭ يۈەن قىممتىدە 10 چارلاش ئاپتوموبىلى تەقدىم قىلدى.
ئاپتوموبىل تەقدىم قىلىش مۇراسىمىدا، شىنجاڭ «جىنخې شىڭگو» تور رەقەملىك پەن - تېخنىكا چەكلىك شىركىتىنىڭ باش دىرېكتورى شۈ يۈەنشىن مۇنداق دېدى: كومپارتىيە بولغاچقىلا شىركەت بۈگۈنكىدەك تەرەققىياتقا، مەن باياشاد تۇرمۇشقا ئېرىشتىم، ئىجتىمائىي مۇقىملىق ياخشى بولغاندىلا ئىقتىسادىي تەرەققىياتتىن سۆز ئاچقىلى بولىدۇ. شىركىتىمىزنىڭ بۈگۈن ناھىيەلىك سىياسىي - قانۇن كومىتېتىغا ئاپتوموبىل تەقدىم قىلىشى پارتىيەنىڭ شەپقىتىگە مىننەتدارلىق بىلدۈرۈش، شۇنداقلا ئونسۇ ناھىيەسىنىڭ ئىجتىمائىي مۇقىملىقىنى يەنىمۇ ئىلگىرى سۈرۈشكە ھەسسە قوشۇشتىن ئىبارەت.
سۈرەتتە: شۈ يۈەنشىن سىياسىي - قانۇن سېستىمىسىدىكى كادىر - ساقچىلارغا ئاپتوموبىلنىڭ ئاچقۇچىنى تاپشۇرۇپ بەرمەكتە.
كۆرۈپ بېكىتكۈچى: ياسىن قادىر
مەنبە: خەلق تورى