باش بەت قىلىڭ بەت ساقلاڭ ئالاقىلىشىڭ بىز
  • مۇھىم
  • مەملىكەت
  • شىنجاڭ
  • خەلقئارا

ئەڭ يېڭى سۈرەتلەر





ئالبوم









خەلق تورى>>شىنجاڭ خەۋەرلىرى

2018-يىلى ئاپتونوم رايونىمىز جەمئىيەتتىن 6928 مەمۇر قوبۇل قىلىدۇ

ئىمتىھانغا تىزىملىتىش ۋاقتى 3-ئاينىڭ 23-كۈنى باشلىنىپ، 3-ئاينىڭ 29-كۈنى ئاخىرلىشىدۇ

2018.03.22 13:51         مەنبە: خەلق تورى

پرىنتېرلاش خەت چوڭ-كىچىكلىكى

  خەلق تورى ئۇيغۇرچە قانىلىنىڭ 22-مارت بېيجىڭدىن بەرگەن تېلېگراممىسى: 3-ئاينىڭ 20-كۈنى، ئاپتونوم رايونلۇق ئادەم بايلىقى ۋە ئىجتىمائىي كاپالەت نازارىتى ئاپتونوم رايونىمىزنىڭ ئاشكارا ئىمتىھان ئارقىلىق جەمئىيەتتىن مەمۇر قوبۇل قىلىش خىزمىتىنىڭ 2018-يىللىق ئاخبارات ئېلان قىلىش يىغىنى ئۇيۇشتۇردى. سۈرەتتىكىسى شۇ يىغىن نەق مەيدانىدىن ئېلىنغان كۆرۈنۈش.

  3-ئاينىڭ 20-كۈنى، مۇخبىرىمىزنىڭ ئاپتونوم رايونىمىزنىڭ ئاشكارا ئىمتىھان ئارقىلىق جەمئىيەتتىن مەمۇر قوبۇل قىلىش خىزمىتىنىڭ 2018-يىللىق ئاخبارات ئېلان قىلىش يىغىنىدىن ئىگىلىشىچە، بۇ يىل ئاپتونوم رايونىمىز جەمئىيەتتىن 6928 مەمۇر قوبۇل قىلىدىكەن. ئىمتىھانغا تىزىملىتىش ۋاقتى 3-ئاينىڭ 23-كۈنى باشلىنىپ، 3-ئاينىڭ 29-كۈنى ئاخىرلىشىدىكەن.

  ئىگىلىشىمىزچە، بۇ قېتىملىق يېزىقچە ئىمتىھان 4-ئاينىڭ 21-، 22-كۈنلىرى ئېلىنىپ، يېزىقچە ئىمتىھان نەتىجىسى 5-ئاينىڭ ئاخىرىدا ئېلان قىلىنىدىكەن. 6-، 7-ئايلاردا سالاھىيىتىنى تەكشۈرۈش ۋە يۈزتۇرانە ئىمتىھان ئېلىنىدىكەن. 7، 8-ئايلاردىن باشلاپ، تەكشۈرۈش، ئېلان قىلىش، قوبۇل قىلىش ۋە تولۇقلاپ قوبۇل قىلىش خىزمەتلىرى ئېلىپ بېرىلىدىكەن. بۇ قېتىملىق مەمۇر قوبۇل قىلىشتا ئاساسىي قاتلامدىكى ناھىيە-يېزا ئورگانلىرىدىكى ئىش ئورۇنلىرىنىڭ سانى ئومۇمىي ساننىڭ %80.53ىنى ئىگىلەيدىغان بولۇپ، ئىمتىھان ئارقىلىق مەمۇر قوبۇل قىلىش داۋاملىق تۈردە ئاساسىي قاتلاملارغا مايىللىشىدىكەن.ئىمتىھانغا توردا تىزىملىتىش رەسمىيىتى شىنجاڭ كادىرلار ئىشلىرى ئىمتىھان مەركىزى تورى (http://www.xjrsks.com.cn)دا يۈرگۈزۈلىدۇ. ئىمتىھانغا تىزىملىتىشنىڭ كونكرېت ئۇسۇللىرىنى مەزكۇر تور بەتتىكى «تىزىملىتىش باسقۇچلىرى»دىن كۆرۈڭ. خىزمەت ئورنى تىزىملىكىنى شىنجاڭ كادىرلار ئىشلىرى ئىمتىھان مەركىزى تورى (http://www.xjrsks.com.cn)،شىنجاڭ پارتىيە قۇرۇلۇشى تورى (http://www.xjkunlun.cn)، شىنجاڭ ئادەم بايلىقى ۋە ئىجتىمائىي كاپالەت نازارىتى تورى (http://www.xjirs.gov.cn)دىن تەكشۈرۈڭ.

  كۆرۈپ بېكىتكۈچى: موللانىياز تۇنىياز

  مەنبە: خەلق تورى


ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ

مەسئۇل مۇھەررىر : مەلىكەم مەمەت

ئالاقىدار خەۋەرلەر