شىنجاڭ ئەرلەر ۋاسكېتبول كۇلۇبى ئورگان تورىدا ئاۋگۇستو لىمانى قوشۇۋالغانلىقىنى ئېلان قىلدى

2018.01.04 15:46   مەنبە: خەلق تورى

　　خەلق تورى ئۇيغۇرچە قانىلىنىڭ 4-يانۋار بېيجىڭدىن بەرگەن تېلېگراممىسى: 3-يانۋار، شىنجاڭ ئەرلەر ۋاسكېتبول كۇلۇبى ئورگان تورىدا، چەت ئەللىك ۋاسكېتبول ماھىرى ئاۋگۇستو لىما ئۈرۈمچىدىكى شىنجاڭ گۇاڭخۈي ئۇچار يولۋاس ۋاسكېتبول كۇلۇبى مەشىق لاگىرىغا يېتىپ كېلىپ، ئۆزىنىڭ CBA ھاياتىنى باشلىغانلىقىنى ئېلان قىلدى.

　　2017-يىلى 12-ئاينىڭ 28-كۈنى، شىنجاڭ گۇاڭخۈي ئۇچار يولۋاس ۋاسكېتبول كۇلۇبى ئاۋگۇستو لىما بىلەن توختاملاشقان بولۇپ، كۇلۇب ئەزا تىزىملىتىشقا لازىملىق خىزمەت ۋىزىسى، ئايدىڭلاشتۇرۇش خېتى قاتارلىق بارلىق رەسمىيەتلەرنى بېجىرىپ پۈتتۈردى، ئەمدى ئۇ شىنجاڭ كوماندىسىنىڭ مۇسابىقە كىيىمىنى كىيىپ مەيدانغا چىقسىلا بولدى.

　　ئاۋگۇستو لىما 1991-يىلى 9-ئاينىڭ 17-كۈنى تۇغۇلغان، بوي ئېگىزلىكى 2.08 مېتىر، ئېغىرلىقى 110 كىلوگرام، كوللىكتىپچانلىققا ئىگە ماھىر. مەيداندا مۇداپىئەگە ۋە گاردىن قايتقان توپقا ئالاھىدە ئەھمىيەت بېرىدۇ. 2007-يىلىدىن 2016-يىلىغىچە، ئىسپانىيە بىرلەشمە مۇسابىقىسىدە توپ ئوينىغان، 2017-2016 مۇسابىقە پەسلىدە لىۋان ئا دەرىجىلىكلەر بىرلەشمىسىدە، 2018-2017 مۇسابىقە پەسلىدە، تۈركىيە بىرلەشمە مۇسابىقىسىدە توپ ئوينىغان. 2016-يىلى ئىسپانىيە ئا دەرىجىكلەر ۋاسكېتبول بىرلەشمىسىدە چېمپىيون بولغان، 2017-يىلى لىتۋانىيە ئا دەرىجىكلەر ۋاسكېتبول بىرلەشمىسىنىڭ چېمپىيونى ۋە ئومۇمىي چېمپىيونى بولغان.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ