خەلق تورى ئۇيغۇرچە قانىلىنىڭ 15-دېكابىر بېيجىڭدىن بەرگەن تېلېگراممىسى: 14-دېكابىر، CBA ئادەتتىكى پەسىللىك مۇسابىقىسىنىڭ 16–ئايلانما مۇسابىقىسىدە، شىنجاڭ كوماندىسى ئۆز مەيدانىدا 117 دە 111 نەتىجە بىلەن بېيجىڭ بېيكوڭ كوماندىسىنى يەڭدى.
پۈتۈن مەيدان مۇسابىقىدە، شىنجاڭ كوماندىسىدىكى ئادامس 41 نومۇر ئېلىش، گاردىن قايتقان يەتتە توپنى تۇتۇش، 10 پاس بېرىشتەك نەتىجىگە؛ يۈ چاڭدۇڭ 26 نومۇر ئېلىش، گاردىن قايتقان سەككىز توپنى تۇتۇشتەك نەتىجىگە؛ سۈن توڭلىن 19 نومۇر ئېلىش، گاردىن قايتقان توققۇز توپنى تۇتۇش، ئۈچ توپنى تالىشىپ قولغا كەلتۈرۈشتەك نەتىجىگە ئېرىشتى. بېيجىڭ بېيكوڭ كوماندىسىدىن راندولف 40 نومۇر ئېلىش، گاردىن قايتقان 13 توپنى تۇتۇش؛ شۈ مېڭجۈن 21 نومۇر ئېلىش، ئابباس 15 نومۇر ئېلىش، گاردىن قايتقان 10 توپنى تۇتۇش، مابۇلى 15 نومۇر ئېلىشتەك نەتىجە ياراتتى.
مۇسابىقىدىن كېيىن، شىنجاڭ كوماندىسىنىڭ ياردەمچى تىرېنېرى ئىگور مىگېلنىك مۇنداق دېدى: بېيكوڭ كوماندىسى كۈچلۈك بىر كوماندا، ئۇلار ئالدىدا كۆپلىگەن كۈچلۈك كوماندىلارنى يەڭگەن. بۈگۈن بىزگە بولغان بېسىم چوڭ بولسىمۇ، بىراق ئەزالىرىمىز ياخشى ئىپادىسىنى كۆرسەتتى. مەيداندا ماھىرلىرىمىز ناھايىتى باتۇرانە مۇسابىقىلەشتى، مەستانىلىرىمىزمۇ بىزنى ناھايىتى ياخشى قوللاپ بەردى. كېلەركى مەيداندا لى گېن «قەپەس»تىن چىقىدۇ، بىزنىڭ سەپ شەكلىمىزمۇ تولۇق ھالىتىگە قايتىدۇ، كۆپچىلىكنىڭ كېيىنكى مەيدان مۇسابىقىمىزگە دىققەت قىلىشىنى سورايمىز.
كۆرۈپ بېكىتكۈچى: ياسىن قادىر
مەنبە: خەلق تورى