باش بەت قىلىڭ بەت ساقلاڭ ئالاقىلىشىڭ بىز
  • مۇھىم
  • مەملىكەت
  • شىنجاڭ
  • خەلقئارا

ئەڭ يېڭى سۈرەتلەر





ئالبوم









خەلق تورى>>شىنجاڭ خەۋەرلىرى

ئارخېئولوگىيە خادىملىرى قۇمۇلدىكى بىر جايدا قەدىمكى ئۆي خارابىسىنى بايقىدى

2017.11.20 16:12         مەنبە: خەلق تورى

پرىنتېرلاش خەت چوڭ-كىچىكلىكى

  خەلق تورى ئۇيغۇرچە قانىلىنىڭ 20- نويابىر بېيجىڭدىن بەرگەن تېلېگراممىسى: شىنجاڭ مەدەنىيەت يادىكارلىقلىرى، ئارخېئولوگىيە تەتقىقات ئورنىدىن ئىگىلىنىشىچە، ئارخېئولوگىيە خادىملىرى شىنجاڭنىڭ قۇمۇل شەھىرى غەربىي تاغ يېزىسىدىكى بىر جايدا خارابىلىكنى قۇتقۇزۇش خاراكتېرلىك قېزىش جاريانىدا، قەدىمكى ئىنسانلار پائالىيەت ئېلىپ بارغان بىر ئۆي خارابىسىنى بايقىغان بولۇپ، ئۆي ئىچىدە ساپال پارچىلىرى ۋە بىر قىسىم كۆيدۈرۈلگەن ھايۋانات سۆڭەكلىرى بار ئىكەن.

  شىنجاڭ مەدەنىيەت يادىكارلىقلىرى ئارخېئولوگىيە تەتقىقات ئورنى قەدىمكى ئارخېئولوگىيە بۆلۈمى خىزمەتچى خادىملىرىنىڭ تۇنۇشتۇرۇشىچە، بۇ ئۆينى قېزىپ تازىلىغاندا، ئۆينىڭ سىرتىدا ھايۋانلارنىڭ سۆڭىكى، ئۆي ئىچىدە ئىنتايىن ئۇششاق ساپال پارچىلىرى ۋە ئوتتا كۆيگەن ھايۋانات سۆڭەكلىرى قاتارلىقلار بايقالغان، لېكىن خارابىلىكنىڭ دەۋرىگە توغرا ھۆكۈم قىلالايدىغان دەلىل-ئىسپاتلار تېخى بايقالمىغان. قېزىشنىڭ ئۈزلۈكسىز ئېلىپ بېرىلىشىغا ئەگىشىپ، خارابىلىككە يوشۇرۇنغان سىرلار يەنىمۇ ئىلگىرىلىگەن ھالدا ئېچىلغۇسى.

  بۇ قېتىم قېزىلغان خارابە دۆلەت يولى 575-لىنىيەسىنىڭ بارىكۆل-قۇمۇل تاشيولى لايىھەسىدىكى مۇقەررەر بېسىپ ئۆتۈشكە تېگىشلىك يول بۆلىكىگە جايلاشقان بولۇپ، خارابىلىكنىڭ مۇھىملىقى تونۇپ يېتىلگەندىن كېيىن، ئارخېئولوگىيە خادىملىرى قۇتقۇزۇش خاراكتېرلىك قېزىشنى يولغا قويدى. نۆۋەتتە، يېقىن ئەتراپتىكى يول بۆلەكلىرىدە قۇرۇلۇش قىلىش جىددىي توختىتىلدى.

  كۆرۈپ بېكىتكۈچى: ياسىن قادىر

  مەنبە: خەلق تورى


ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ

مەسئۇل مۇھەررىر : ئالىم راخمان

ئالاقىدار خەۋەرلەر