ساياھەتچىلەر جۇڭگو ـ قازاقىستان قورغاس خەلقئارا چېگرا ھەمكارلىق مەركىزىنىڭ جۇڭگو مەدەنىيىتى سارىيىنى ئېكسكۇرسىيە قىلماقتا (12-سېنتەبىر تارتىلغان).
خەلق تورى ئۇيغۇرچە قانىلىنىڭ 14- سېنتەبىر بېيجىڭدىن بەرگەن تېلېگراممىسى: ئىلىدىكى جۇڭگو-قازاقىستان چېگراسىغا جايلاشقان قورغاس قەدىمدىن تارتىپ قەدىمكى يىپەك يولىدىكى مۇھىم ئۆتەڭ بولۇپ كەلگەن. 1881-يىلى قورغاس ئېغىزىدا رەسمىي تاموژنىدىن ئۆتكۈزۈش باشلانغان. 2012-يىلى، جۇڭگونىڭ تۇنجى چېگرا ھالقىغان چېگرا ھەمكارلىق رايونى − جۇڭگو-قازاقىستان قورغاس خەلقئارا چېگرا ھەمكارلىق مەركىزى ئىشقا كىرىشتۈرۈلدى. 2014-يىلى، گوۋۇيۈەن شىنجاڭ ئۇيغۇر ئاپتونوم رايونىنىڭ ناھىيە دەرىجىلىك قورغاس شەھىرى قۇرۇشىنى رەسمىي تەستىقلىدى. بۈگۈنكى كۈندە، يۈز يىللىق پورت زامانىۋى ئىستېرېئولۇق قاتناش سىستېمىسىغا تايىنىپ مىسلى كۆرۈلمىگەن ھاياتىي كۈچىنى ئۇرغۇتتى، قورغاس تاموژنىسىنىڭ ئىستاتىستىكىسىغا ئاساسلانغاندا، بۇ يىل 1-ئايدىن 8-ئايغىچە، قورغاس رايونىنىڭ ئىمپورت-ئېكسپورت مال مىقدارى 19 مىليون 372 مىڭ 700 توننىغا يېتىپ، بۇلتۇرقى ئوخشاش مەزگىلدىكىگە سېلىشتۇرغاندا %14.2 ئاشقان؛ ئىمپورت- ئېكسپورت سودا سوممىسى 70 مىليارد 179 مىليون يۈەن بولۇپ، بۇلتۇرقى ئوخشاش مەزگىلدىكىدىن %29.87 ئاشقان.
كۆرۈپ بېكىتكۈچى: ياسىن قادىر
مەنبە: خەلق تورى