خەلق تورى ئۇيغۇرچە قانىلىنىڭ 18-ئاۋغۇست بېيجىڭدىن بەرگەن تېلېگراممىسى: 17-ئاۋغۇست، ئاپتونوم رايوننىڭ سۈپەت باشقۇرۇش ئىختىساسلىقلىرىنى يېتىشتۈرۈش «شەبنەم» پىلانى رەسمىي يولغا قويۇلدى، پىلاندا 2022-يىلىغىچە، سۈپەت باشقۇرۇش مۇتەخەسسىس تىپىدىكى ئىختىساسلىقلاردىن 197سى، ئاساسىي ئۇل تىپىدىكى ئىختىساسلىقلاردىن 3247سى يېتىشتۈرۈلۈپ چىقىلىدۇ. ئۇنىڭدىن سىرت، سۈپەت پىدائىيلىرى 3074تىن كۆپرەككە يەتكۈزۈلىدۇ.
سۈپەت باشقۇرۇش ئىختىساس ئىگىلىرىنى يېتىشتۈرۈش «شەبنەم» پىلانى ئومۇمەن سۈپەت باشقۇرۇش بىلىملىرى تەربىيەسىنى ئومۇملاشتۇرۇش ئاساس قىلىنىپ، مەملىكەت ئىچىدىكى داڭلىق مۇتەخەسسىسلەر دەرس ئۆتۈشكە تەكلىپ قىلىنىپ، نەتىجىلەرنى ئالماشتۇرۇش، باھالاش پائالىيىتىنى قانات يايدۇرۇش قاتارلىق شەكىللەر ئارقىلىق، ئاپتونوم رايوننىڭ سانائەت كارخانىلىرىنىڭ سۈپەت باشقۇرۇش ئەھۋالىغا بىرلەشتۈرۈپ، ئىشلەپچىقىرىشنىڭ ھەر قايسى ھالقىلىرىنىڭ تېخنىكا تەلىپىگە ۋە كەسپىي ئىش تەقسىماتىنىڭ ئالاھىدىلىكىگە ئەمەل قىلىپ، تەربىيەلەش تۈرلىرىنى ئىلمىي بېكىتىپ، كارخانىلارغا كەسىپلەشكەن ھەم ئىختىساسلاشقان سۈپەت باشقۇرۇش ئىختىساس ئىگىلىرىنى تەربىيەلەپ يېتىشتۈرۈپ بېرىش مەقسەت قىلىنىدۇ.
ئىگىلىنىشىچە، سۈپەت باشقۇرۇش ئىختىساس ئىگىلىرىنى يېتىشتۈرۈش «شەبنەم» پىلانى يېتىشتۈرۈپ چىقىدىغان مۇتەخەسسىس تىپىدىكى ئىختىساسلىقلار ۋە ئۇل تىپىدىكى ئىختىساسلىقلار ھەر قايسى كارخانىلاردىن تاللاپ چىقىلىدىكەن. سۈپەت پىدائىيلىرىنىڭ يېتىشتۈرۈلۈشىدە، ئاساسلىقى ئىستېمالچىلار ھوقۇق-مەنپەئىتى كۈنى، سۈپەت ئېيى قاتارلىق پائالىيەتلەر پۇرسەت دەپ قارىلىپ، جەمئىيەتتىكى ھەر ساھە كىشىلىرى سۈپەت پىدائىيسى بولۇشقا تەكلىپ قىلىنىپ، ئاۋامغا سۈپەتلىك تۇرمۇش تەشەببۇس قىلىنىپ، ئاۋامنىڭ سۈپەت ئېڭىنى ئۆستۈرۈش مەقسەت قىلىنىدىكەن.
كۆرۈپ بېكىتكۈچى: ياسىن قادىر
مەنبە: خەلق تورى