خەلق تورى ئۇيغۇرچە قانىلىنىڭ 8-ئىيۇن بېيجىڭدىن بەرگەن تېلېگراممىسى: 6-ئىيۇن، مۇددىتى ئۈچ كۈن بولغان ئاپتونوم رايونلۇق ppp بويىچە ئەمەلىي تەربىيەلەش كۇرسى ئۈرۈمچىدە ئېچىلدى، ئاپتونوم رايوننىڭ ئالاقىدار نازارەت، ئىدارە، باشقارما، ھەر قايسى ۋىلايەت، ئوبلاستلارنىڭ تەرەققىيات ۋە ئىسلاھات كومىتېتى ھەم كارخانىلاردىكى ppp مەشغۇلاتى بىلەن شۇغۇللىنىدىغان ئالاقىدار خادىملاردىن 300دىن ئارتۇق كىشى كۇرسقا قاتناشتى.
بۇ قېتىملىق ppp ئەمەلي تەربىيەلەش كۇرسىنى دۆلەت تەرەققىيات ۋە ئىسلاھات كومىتېتى مەبلەغ سېلىش مەھكىمىسى، شىنجاڭ تەرەققىيات ۋە ئىسلاھات كومىتېتى باش بولۇپ ئۇيۇشتۇرغان بولۇپ، چىڭخۇا ئۇنىۋېرسىتېتى ppp تەتقىقات مەركىزى ياردەملىشىپ ئۆتكۈزگەن.
تەربىيەلەش كۇرسىدا، چىڭخۇا ئۇنىۋېرسىتېتى PPPتەتقىقات مەركىزىنىڭ دۆلەت ئىچىدىكى داڭلىق نوپۇزلۇق مۇتەخەسسىسلىرى PPP ئۆلچىمى، خەۋپ-خەتەرنى كونترول قىلىش، ئەمەلىي مەشغۇلاتقا يېتەكچىلىك قىلىش، يولغا قويۇش تەرتىپى، تاللاش ۋە مەبلەغ سېلىش، مەبلەغ يۈرۈشتۈرۈش ۋە ئىجتىمائىي كاپىتال تەرەپنى تاللاش، PPP ئىجتىمائىي قانۇن ۋە توختام مۇناسىۋىتى قاتارلىق مەزمۇنلاردا چۈشەنچە بەردى. بۇ ئارقىلىق ھەر قايسى جايلارنىڭ PPP ئەندىزىسى بويىچە ئىقتىدار قۇرۇلۇشىنى ئۈنۈملۈك يولغا قويۇشىغا ۋە ئۇل ئەسلىھە ساھەلىرىدە PPP ئەندىزىسىنى ئىلگىرى سۈرۈشىگە ياردەم بېرىلدى.
كۆرۈپ بېكىتكۈچى: ياسىن قادىر
مەنبە: خەلق تورى