خەلق تورى ئۇيغۇرچە قانىلىنىڭ 20-ئاپرىل بېيجىڭدىن بەرگەن تېلېگراممىسى: «شىنجاڭنىڭ تەرەققىياتى بەك ياخشىكەن، شىنجاڭنىڭ مەدەنىيىتى بەك مول مەزمۇنلۇق ئىكەن!»، 19-ئاپرىل، «يىپەك يولى ئىقتىساد بەلبېغى» بويىدىكى ئالاقىدار دۆلەتلەرنىڭ تاراتقۇ مەسئۇللىرى تەتقىق قىلىش، ئۆگىنىش كۇرسىنىڭ ئەزالىرى شىنجاڭ مۇقام ئانسامبىلى تىياتىرخانىسى ۋە شىنجاڭ ئىسلام دىنى ئىنستىتۇتىدا زىيارەت ۋە تەكشۈرۈشتە بولغاندىن كېيىن، بەس-بەس بىلەن شۇنداق دېدى.
شۇ كۈنى چۈشتىن بۇرۇن، تەتقىق قىلىش، ئۆگىنىش كۇرسىنىڭ ئەزالىرى ئايرىم-ئايرىم «ھەمكارلىشىپ تەڭ ئۇتۇق قازىنىش __ جۇڭگو شىنجاڭ بىلەن ئەتراپتىكى دۆلەتلەرنىڭ ئىقتىساد-سودا تەرەققىياتىنىڭ ھازىرقى ئەھۋالى ۋە ئىستىقبالى» ۋە «جۇڭگونىڭ دىن سىياسىتى ۋە شىنجاڭدىكى دىنلارنىڭ ھازىرقى ئەھۋالى» دېگەن لىكسىيەلەرنى ئاڭلىدى. چۈشتىن كېيىن، مۇقام ئانسامبىلى تىياتىرخانىسىغا بېرىپ، «مۇقام باھارى» مۇزىكا نومۇرى ۋە ئۇيغۇر ئۇسسۇللىرىدىن ھۇزۇرلاندى. ئاندىن شىنجاڭ ئىسلام دىنى ئىنستىتۇتىغا بېرىپ، ئېلىمىز ۋە شىنجاڭنىڭ دىنى زاتلارنى يېتىشتۈرۈش ئۇسۇلى ۋە دىنى ئېتىقاد ئەركىنلىكى سىياسىتى ئەھۋالىدىن چۈشەنچىگە ئىگە بولدى.
كۆرۈپ بېكىتكۈچى: ياسىن قادىر
مەنبە: خەلق تورى