- مۇھىم
- مەملىكەت
- شىنجاڭ
- خەلقئارا
7- نۆۋەتلىك ئاپتونوم رايونلۇق ياش-ئۆسمۈرلەر پەن-تېخنىكا بايرىمى 18- ئاپرېل باشلىنىدۇ
2017.04.17 15:14 مەنبە: خەلق تورى
خەلق تورى ئۇيغۇرچە قانىلىنىڭ 17- ئاپرېل بېيجىڭدىن بەرگەن تېلېگراممىسى: 18- ئاپرېلدىن 24- ئاپرېلغىچە، ئاپتونوم رايونىمىزدىكى ھەر قايسى ۋىلايەت، ئوبلاستتىن كەلگەن ھەمدە پەن-تېخنىكا ئارزۇسىنى كۆڭلىگە پۈككەن 3000دىن ئارتۇق ياش-ئۆسمۈرلەر بىر يەرگە يىغىلىپ، 7- نۆۋەتلىك شىنجاڭ ياش-ئۆسمۈرلەر پەن-تېخنىكا بايرىمىغا قاتنىشىدۇ.
ئۇلار ماشىنا ئادەم، پىلانېر ۋە ئىلىم-پەن دېگەندەك جەھەتلەر بويىچە ماھارەت كۆرسىتىش قاتارلىق يەتتە مۇسابىقە تۈرىدە مۇسابىقىلىشىدىكەن. ئىپادىسى ياخشى بولغانلار كېيىن شىنجاڭغا ۋاكالىتەن دۆلەتلىك مۇسابىقىگە قاتنىشىدىكەن.
ئاپتونوم رايونلۇق پەن-تېخنىكا جەمئىيىتى 14- فېۋرال چۈشتىن بۇرۇن ئاخبارات ئېلان قىلىش يىغىنى ئېچىپ، بۇ قېتىمقى پائالىيەتنىڭ كۈنتەرتىپىنى ئومۇمىي ئۇقتۇرۇش قىلدى.
تەييارلىق ئەھۋالىغا ئاساسلانغاندا، بۇ قېتىمقى ياش-ئۆسمۈرلەر پەن-تېخنىكا بايرىمىدا «يېڭىلىق يارىتىش. سىناق قىلىش. ئۆسۈپ يېتىلىش» قاتارلىقلار ئاساسىي تېما قىلىنىدىغان بولۇپ، بۇ بايرام 18- ئاپرېلدا ئۈرۈمچىدە ئېچىلىش مۇراسىمىنى ئۆتكۈزۈدىكەن، ھەمدە شۇ كۈندىن ئېتىبارەن تاكى 24- ئاپرېلغىچە ھەر خىل پائالىيەتلەر ئۇيۇشتۇرىدىكەن، ئاساسىي يىغىن مەيدانى شىنجاڭ پەن-تېخنىكا سارىيىدا بولىدىكەن، شۆبە يەرمەنكىسى بولسا، شەھەرلىك 8- ئوتتۇرا مەكتەپكە تەسىس قىلىنغان.
بۇ نۆۋەتلىك پەن-تېخنىكا بايرىمىدا يەتتە مۇسابىقە تۈرى تەسىس قىلىنغان بولۇپ، بەزىلىرى تېخى كېيىنكى دۆلەتلىك مۇسابىقىنىڭ تاللاش مۇسابىقىسىگە قاتنىشىپ، ئۇنىڭدىن تاللىنىپ چىققان مۇنەۋۋەر شاكىچىك ماھىرلار كېيىن شىنجاڭغا ۋاكالىتەن دۆلەتلىك مۇسابىقىگە قاتنىشىدىكەن.
كۆرۈپ بېكىتكۈچى: موللانىياز تۇنىياز
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر