خەلق تورى ئۇيغۇرچە قانىلىنىڭ 6-فېۋرال بېيجىڭدىن بەرگەن تېلگىراممىسى: سۆڭىكى سۇنغان يولۇچىنى توشۇش ئۈچۈن ئايروپىلان بۆلمىسىنى ئۆزگەرتىشكە بولامدۇ؟ بۇ ئاڭلىماققا بىر ئاز يېڭى ئاڭلىنىدۇ، بىراق بۇ ئىككى كۈن بۇرۇن راس بولغان ئىش.
4-فېۋرال سائەت 10دىن 30 مىنۇت ئۆتكەندە، غۇلجىدىن ئۇچقان CZ6905- قېتىملىق نۆۋەتچى ئايروپىلان ئۈرۈمچىگە يېتىپ كەلدى. بۇرۇنقىغا ئوخشىمىغان يېرى بۇ قېتىمقى قىسقا مۇددەت توختاش جەريانىدا، ئالاھىدە بىر رېمونت گۇرۇپپىسى لازىملىق نەرسىلەرنى ئېلىپ ئايروپىلانغا چىقتى ۋە ئايروپىلان بۆلمىسىنى ئاددى ئۆزگەرتىش قۇرۇلۇشىنى باشلىدى.
«ئىش ئانچە مۇرەككەپ ئەمەس، بىراق ئىككى قۇر ئورۇندۇقنى ياتقۇزۇپ قۇراشتۇرۇشقا توغرا كېلىدۇ، شۇنداق بولغاندا بىمار ئاندىن راھەت ياتالايدۇ»- دېدى ئايروپىلان رېمونت بازىسى ئايروپىلان لىنىيەسى بۆلمى ئۇچاستىكا باشلىقى فەن يۈخۈي چۈشەندۈرۈپ - « نوسىلكا ئۇزۇن بولغانلىقتىن ، يولۇچى بۆلمى ئارقا ئىككى رەتتىكى توققۇز ئورۇندۇقنى ياتقۇزۇش لازىم، ئاندىن تىرەك جازىنى ئايروپىلان يولۇچى بۆلۈمچىسىنىڭ پولى ئۈستىگە مۇقىملاشتۇرۇش كېرەك، شۇنداق بولغاندىلا نوسىلكا مەزمۇت تۇرىدۇ.»
بىر سائەتتىن كېيىن، CZ6905- نومۇرلۇق نۆۋەتچى ئايروپىلان ئۈرۈمچىدىن قوزغالدى ۋە شۇ كۈنى سائەت 16دىن 50 مىنۇت ئۆتكەندە بىمارنىڭ تېخىمۇ ياخشى داۋالىنىشى ئۈچۈن بېيجىڭغا يەتكۈزۈلدى.
جەنۇب ئاۋىياتسىيەسى شىنجاڭ 95539 يولۇچىلار مۇلازىمەت قىزىق لىنىيەسى خادىمى لى جياڭتاۋ تونۇشتۇرۇپ مۇنداق دېدى: «‹نوسىلكا يولۇچى› دېگىنىمىز يولۇچى ئۆزى مۇستەقىل ھەرىكەت قىلالمايدىغان ياكى كېسەللىك ئەھۋالى بىر قەدەر ئېغىر، پەقەت نوسىلكىدىلا سەپەرگە چىقىش مۇمكىنچىلىكى بولغان يولۇچىلارنى كۆرسىتىدۇ، يولۇچى ياكى ئائىلىسىدىكىلەر ئالدى بىلەن 72 سائەت بۇرۇن جەنۇپ ئاۋىياتسىيەسىنىڭ بېلەت سېتىش ئورنىغا بېرىپ ياكى 95539 قىزىق لىنىيەسى ئارقىلىق ئىلىتىماس قىلسا بولىدۇ.»
ھەر بىر نۆۋەتچى ئايروپىلان قائىدە بويىچە ئېيتقاندا بىر «نوسىلكا يولۇچى»نى سېلىشقا بولىدۇ. كىرا چىقىمى ئۈچۈن ئادەتتە نەچچە ئورۇندۇقنىڭ كۆلىمىنى ئىگىلىگەن بولسا، شۇنچە ئورۇندۇققا بېلەت ئالسا بولىدۇ.
ئۇنىڭدىن سىرت، يولۇچى بېلەت سېتىۋالغاندا ئاۋىياتسىيە شىركىتى ئېتىراپ قىلدىغان دوختۇرخانا چىقىرىپ بەرگەن داۋالىنىش ئىسپاتى ياكى دىياگنوز ئىسپاتىنى كۆرسىتىش لازىم،
ئادەتتىكى ئەھۋالدا، ئايروپىلان ئۇچۇشتىن بۇرۇنقى 96 سائەتتىن ئايروپىلان ئۇچقۇچە بولغان ئارىلىقتىكى داۋالىنىش ئىسپاتى ئىناۋەتلىك بولىدۇ.
كۆرۈپ بېكىتكۈچى: ياسىن قادىر
مەنبە: خەلق تورى