خەلق تورى ئۇيغۇرچە قانىلىنىڭ 25- ئۆكتەبىر بېيجىڭدىن بەرگەن تېلېگراممىسى: 10-ئايدىكى كۈزنىڭ ساپ ۋە سالقىن مەزگىلىدە، جىڭدېجېندا 13 - نۆۋەتلىك جۇڭگو جىڭدېجىن خەلقئارا ساپال بۇيۇملار يەرمەنكىسى باشلاندى، لېكىن ئوبۇلتالىپ ھاجى ئۆز ئارزۇسىنىڭ بۇ خەلقئارا ساپال بۇيۇملار يەرمەنكىسىدە ئەمەلگە ئاشىدىغانلىقىنى ئويلاپمۇ باقمىغانىدى.
بۇ يىل 34 ياشقا كىرگەن ئوبۇلتالىپ ھاجى شىنجاڭدىكى قىزىلسۇ قىرغىز ئوبلاستى ئاقتۇ ناھىيەسىدىكى كۇلالچىلىق ھۈنەرۋەنچىلىكنىڭ 8- ئەۋلاد ۋارىسى، ئۇ بۇ ھۈنەرگە ناھايىتى چوڭقۇر مۇھەببەت باغلىغان. جىڭدېجېن ئىنستىتوتىدا ئوقۇغان مەزگىلىدە، ئوبۇلتالىپ ھاجى ئەڭ كۆپ مەنپەئەتلەنگىنى فارفور پىشۇرۇش ھۈنىرى ئەمەس، بەلكى بىر خىل زامانىۋى تەپەككۇر ئۇسۇلى ۋە ئىجادىيەت ئىدىيەسى بولدى.
ئوبۇلتالىپ ھاجى مۇنداق دېدى: «مەن راستىنلا بەك خۇشال، مەن 1000 يىللىق فارفور ئاستانىسىنىڭ مەدەنىيەت جەۋھىرىنى تۇيۇقسىز چۈشەنگەندەك بولدۇم، مەن بۇ قېتىمقى ئۆگىنىش ئارقىلىق، جېڭدېجىن فارفور ھۈنەر - سەنئىتىنى ئاقتۇنىڭ كۇلالچىلىق ھۈنەرۋەنچىلىكىدە قوللىنىپ، ئاقتۇ ناھىيەسىدىكى دېھقانلارنىڭ ئىشقا ئورۇنلىشىشغا تۈرتكە بولۇپ، ساپال ياساش ھۈنەر - سەنئىتىنى مېنىڭ قولۇمدا تېخىمۇ ياخشى ۋارىسلىق قىلىش، جارى قىلدۇرۇش ئىمكانىيىتىگە ئىگە قىلىمەن».
كۆرۈپ بېكىتكۈچى: ياسىن قادىر
مەنبە: خەلق تورى