يېقىندا، مۇخبىرنىڭ جەنۇب ئاۋىياتسىيەسى شىنجاڭ شۆبە شىركىتىدىن ئىگىلىشىچە، 31-ئۆكتەبىردىن باشلاپ، جەنۇب ئاۋىياتسىيە شىركىتى قەشقەر-قومۇل-جېڭجۇ ھاۋا يولىنى ئاچىدىكەن، ھەر ھەپتىدە ئىككى قېتىم نۆۋەتچى ئايروپىلان قاتنايدىكەن.
ئىگىلىنىشىچە، يېڭى ئاچقان قەشقەر-قومۇل-جېڭجۇ ئاۋىياتسىيە لىنىيەسىدە CZ8743/4 قېتىملىق نۆۋەتچى ئايروپىلان ھەر ھەپتىنىڭ دۈشەنبە ۋە جۈمە كۈنلىرى قاتنايدىكەن. CZ8744 قېتىملىق نۆۋەتچى ئايروپىلان ھەر ھەپتىنىڭ دۈشەنبە، جۈمە كۈنلىرى 9دىن 10مىنۇت ئۆتكەندە جېڭجۇدىن ئۇچۇپ، 13دىن 5مىنۇت ئۆتكەندە قومۇلغا يېتىپ بېرىپ، قومۇلدا 50مىنۇت توختىغاندىن كىيىن ئۇچۇپ، 16دىن 30مىنۇت ئۆتكەندە قەشقەرگە يېتىپ بارىدىكەن. CZ8743 قېتىملىق نۆۋەتچى ئايروپىلان 17دىن 50مىنۇت ئۆتكەندە قەشقەردىن ئۇچۇپ، 20دىن 5مىنۇت ئۆتكەندە قومۇل ئايرودۇرۇمىغا قونۇپ، 50مىنۇت توختىغاندىن كېيىن ئۇچۇپ، ئەتىسى 0دىن 5مىنۇت ئۆتكەندە جېڭجۇغا يېتىپ بارىدىكەن.