خەلق تورى ئۇيغۇرچە قانىلىنىڭ 6- سېنتەبىر بېيجىڭدىن بەرگەن تېلېگراممىسى: 4- سېنتەبىر، شىنجاڭ چوڭ تىياتىرخانىسىغا چولپانلار يىغىلدى. «دۇنيا ئۆزگەرسىمۇ، دەسلەپكى مەقسەت ئۆزگەرمەيدۇ»، خەير - ساخاۋەت شىنجاڭغا تەسىر كۆرسەتتى، چولپانلارنىڭ شىنجاڭ خەير - ساخاۋەت ناخشا كېچىلىكى بۇ يەردە ئۆتكۈزۈلدى.
تۇنجى «جۇڭخۇا خەير - ساخاۋەت كۈنى»نى كۈتۈۋېلىش ئۈچۈن، ھەرقايسى تەرەپلەردىن يۇرتىغا قايتقان شىنجاڭلىق سەنئەتكارلار بىر يەرگە جەم بولۇپ، خەير - ساخاۋەت ئۈچۈن كۈچ قوشتى. جۇڭگودىكى داڭلىق ئايال ئارتىس تۇڭ لىيا، شىنجاڭ ھەربىي رايونى سەنئەت ئۆمىكىنىڭ دۆلەتلىك 1 - دەرىجىلىك ئارتىسى شامىل شاكىر، يەنە «جۇڭگو خۇش ئاۋازى»دا ناخشىسىنى ياڭراتقان جاڭ لېي، پەرھات قاتارلىق چولپان سەنئەتكار شىنجاڭ خەير - ساخاۋەت كېچىلىكىدە ناخشا ئېيتىپ، باشلامچى بولۇپ كۈچ چىقىرىپ، تېخىمۇ كۆپ كارخانا، شەخسلەرنى خەير - ساخاۋەت ئىشلىرىغا قاتنىشىشقا چاقىرىق قىلدى.
يېقىنقى يىللاردىن بېرى، شىنجاڭ خەير - ساخاۋەت باش جەمئىيىتى «خەلق ئۈچۈن خەير - ساخاۋەت قىلىش، خەلقنى ئاساس قىلىش»نى تۈپ مەقسەت قىلىپ، خەير - ساخاۋەت بىلەن ئاممىنى باغلاشتىكى بەلباغ بولۇپ قالدى، شىنجاڭ خەير - ساخاۋەت باش جەمئىيىتى ھۆكۈمەتنىڭ قۇتقۇزۇش خىزمىتىنىڭ ياردەمچىسى بولۇپ، شىنجاڭنىڭ ئىجتىمائىي پاراۋانلىق ئىشلىرىدا تولۇقلاش رولىنى ئويناپ، خەير - ساخاۋەت ئىشلىرىنىڭ ساغلام تەرەققىياتىنى كۈچلۈك ئىلگىرى سۈردى.
كۆرۈپ بېكىتكۈچى: ياسىن قادىر
مەنبە: خەلق تورى