خەلق تورى ئۇيغۇرچە قانىلىنىڭ 28-ئىيۇل بېيجىڭدىن بەرگەن تېلېگراممىسى: (ئاقسۇ شەھەرلىك پارتكوم «ئۈچ ئەل» ئىشخانسىدىن ئىختىيارىي مۇخبىر گۈلبوستان مەمەت خەۋىرى، فوتوسى) ئاقسۇ شەھەرلىك كېسەللىكلەرنىڭ ئالدىنى ئېلىش مەركىزىدىن ئاقسۇ شەھىرى قاراتال بازىرىنىڭ چوناق كەنتىگە چۈشكەن «ئۈچ ئەل» خىزمەت گۇرۇپپىسىدىكى كادىرلار كەنت ئاممىسىنىڭ دوختۇر كەمچىل بولغانلىقىتىن «كىچىك كېسەلگە سەل قاراش، چوڭ كېسەلگە داۋا تاپالماسلىق» تەك قىيىنچلىقىنى كۆزدە تۇتۇپ، ئاقسۇ شەھەرلىك سەھىيە ۋە پىلانلىق تۇغۇت كومىتېتىنىڭ ئاكتىپ ماسلاشتۇرۇشى نەتىجىسىدە، ئاقسۇ شەھەرلىك توڭخې دوختۇرخانىسى ۋە ئاقسۇ شەھەرلىك مارىيە دوختۇرخانسىدىكى تېببىي خادىملارنى كەنتكە كېلىپ ھەقسىز كېسەل كۆرۈشكە تەكلىپ قىلدى.
ئىككى دوختۇرخانىدىن 12 تېببىي خادىم 24- ۋە 25-ئىيۇل ئىككى كۈن كەنتتىكى 400 دىن ئارتۇق كىشىنىڭ كېسىلىنى ھەقسىز كۆردى ۋە كېسەللىكلەرنىڭ ئالدىنى ئېلىش تۈرلىرى بويىچە تېببىي مەسلىھەت بەردى ھەم 4000 يۈەن قىممىتىدىكى دورىنى ھەقسىز تارقاتتى.
كۆرۈپ بېكىتكۈچى: ياسىن قادىر
مەنبە: خەلق تورى