خەلق تورى ئۇيغۇرچە قانىلىنىڭ 21-ئىيۇل بېيجىڭدىن بەرگەن تېلېگراممىسى: (مۇتەللىپ ئابدۇراھمان خەۋىرى، فوتۇسى) ئونسۇ ناھىيەسىنىڭ 2016-يىللىق «مېنىڭ ئارزۇيۇم جۇڭگو ئارزۇسى» ياشلار ئىگىلىك تىكلەش ۋە كەسپىي ماھارەت مۇسابىقىسى 7-ئاينىڭ 20-كۈنى ناھىيەلىك كەسپىي تېخنىكا مەكتىپىدە ئۆتكۈزۈلدى. پائالىيەتكە ناھىيەگە قاراشلىق 13 يېزا، بازار، باشقۇرۇش رايونىدىن ئالدىن تاللانغان 104 ماھىر قاتناشقان بولۇپ، مۇسابىقە نەق مەيداندا كىيىم تىكىش، ئاياللار گىرىم قىلىش، ئەرلەر چاچ ياساش، چوڭ تەخسىلىك توخۇ قوردىقى تەييارلاش، كەشتىچىلىك مۇسابىقىسى، تورت ياساش قاتارلىق تۈرلەر بويىچە ئېلىپ بېرىلدى. ھەر بىر تۈردىن ئۈچتىن ماھىر تاللىنىپ، 2000 يۈەن، 1500 يۈەن، 800 يۈەن نەق پۇل، تەقدىرنامە، لوڭقا بىلەن مۇكاپاتلاندى؛ ئالتە كوللىكتىپ مۇنەۋۋەر تەشكىللەش مۇكاپاتىغا ئېرىشتى.
جىنخۇانىڭ ئونسۇغا ياردەم بېرىش قوماندانلىق باش ئىشتابى پائاليەتكە 100 مىڭ ياردەم قىلدى.
سۈرەتتە: ماھىرلار كېسىمچىلىك مۇسابىقىسىدە.
كۆرۈپ بېكىتكۈچى: ياسىن قادىر
مەنبە: خەلق تورى