خەلق تورى ئۇيغۇرچە قانىلىنىڭ 24-ئىيۇن بېيجىڭدىن بەرگەن تېلېگراممىسى: (ئاقسۇ شەھەرلىك پارتكوم «ئۈچ ئەل» ئىشخانسىدىن ئىختىيارىي مۇخبىر گۈلبوستان مەمەت، جاڭچى خەۋىرى) ئاقسۇ شەھەرلىك سەھىيە ۋە پىلانلىق تۇغۇت كومىتېتىدىن ئاقسۇ شەھىرى جەنۇبىي شەھەر كوچا باشقارمىسىنىڭ تۆۋەنكى بازارباغ مەھەللىسىگە چۈشكەن خىزمەت گۇرۇپپىسىدىكىلەر 26-ئىيۇن 30-قېتىملىق «خەلقئارا زەھەر چەكلەش كۈنى» تەشۋىقاتىغا بىرلەشتۈرۈپ مەھەللە كومىتېتى ۋە ئاۋات كوچىلاردا «زەھەرسىز ياشلىق، ساغلام تۇرمۇش» تېمىسىدا تەشۋىقات پائالىيىتى ئېلىپ بېرىپ، 50 پارچىدىن ئارتۇق زەھەر چەكلەش تەشۋىقات رەسىمى ۋە 350 يۈرۈش زەھەر چەكلەش تەشۋىقات رەسىمى چۈشۈرۈلگەن قارت تارقاتتى.
پائالىيەتتە، خىزمەت گۇرۇپپىسىنىڭ كادىرى جاڭ چى ئەمەلىي مىساللار ئارقىلىق زەھەرنىڭ زىيىنى ۋە ئائىلىگە ئېلىپ كېلىدىغان يامان ئاقىۋىتى توغرسىدا سۆزلەپ، ئاھالىلەرنىڭ زەھەرگە بولغان چۈشەنچىسىنى يەنىمۇ چوڭقۇرلاشتۇردى.
كۆرۈپ بېكىتكۈچى: ياسىن قادىر
مەنبە: خەلق تورى