خەلق تورى ئۇيغۇرچە قانىلىنىڭ 20-ئىيۇن بېيجىڭدىن بەرگەن تېلېگراممىسى: (شايار ناھىيەلىك يېزا ئىگىلىك ماشىنىلىرىنى باشقۇرۇش ئىدارىسىدىن ئىختىيارىي مۇخبىر زۆھرەگۈل ھامۇت خەۋىرى) يېقىندىن بۇيان قايلور بازىرى دۈشەنبە بازار كەنتىدىكى بۇغدايلار پىشىپ، بۇغداينى ئادەم كۈچى ئارقىلىق ئورۇپ يىغىۋېلىشتا قىيىنچىلىق كۆرۈلگەن ئىدى. كەنتكە چۈشكەن خىزمەت گۇرۇپپىسىدىكىلەر بىلەن كەنت كومىتېتىدىكىلكەر ئاكتىپلىق بىلەن ئالاقىلىشىش ئارقىلىق، ھەر موسىنى 100 يۈەندىن ئورۇپ بېرىدىغانغا ئىككى كومبايىننى ئىجارە ئېلىپ بۇغداي ئورغۇزدى. ئۇلار يەنە دېھقانلارنى بۇغداي ئورۇش ئەمگەك مۇسابىقىسىگە تەشكىللىدى. بۇنىڭ بىلەن كەنتتىكى بۇغدايلار 10 كۈن ئىچىدە ئورۇلۇپ بولدى.
سۈرەتتە: دۈشەنبە بازار كەنتىدە كومبايىندا بۇغداي ئورۇلماقتا.
كۆرۈپ بېكىتكۈچى: ياسىن قادىر
مەنبە: خەلق تورى