27-ئاپرېل چۈشتىن كېيىن ئاپتونوم رايوننىڭ 2-نۆۋەتلىك ئاساسىي قاتلام كادىرلىرىنىڭ قوش تىلدا نۇتۇق سۆلەش مۇسابىقىسىنىڭ تەقدىرلەش مۇراسىمى شىنجاڭ تېلېۋىزىيە ئىستانسىسىنىڭ سۈرەتكە ئېلىش زالىدا ئۆتكۈزۈلدى.
بۇ قېتىملىق مۇسابىقىگە شىنجاڭنىڭ ھەر قايسى جايلىرىدىن 2600 دىن ئارتۇق ماھىر قاتناشقان بولۇپ، ئەڭ ئاخىرىدا 60 نەپەر ماھىر ھەل قىلغۇچ باسقۇچقا كىردى. 22-ئاپرېلدىن باشلاپ ھەل قىلغۇچ مۇسابىقىگە قاتناشقان ماھىرلار نۇتۇق قابىلىيىتى، سەنئەت ماھارىتى، ئەقىل-پاراسىتى قاتارلىق جەھەتلەردە قاتلاممۇقاتلام تاللاندى، ئاخىرىدا 10 نەپەر ماھىرنىڭ تالانتى كۆرۈنەرلىك بولدى. مۇسابىقىنىڭ ئاخىرىدا بىرىنچى دەرىجىلىك مۇكاپاتتىن ئىككى نەپەر، ئىككىنچى دەرىجىلىك مۇكاپاتتىن ئۈچ نەپەر، ئۈچىنچى دەرىجىلىك مۇكاپاتتىن بەش نەپەر، مۇنەۋۋەر مۇكاپاتتىن ئون نەپەر تاللاپ چىقىلدى. بۇنىڭدىن باشقا يەنە 40 ماھىرغا رىغبەتلەندۈرۈش مۇكاپاتى تارقىتىلدى.
ئىگىلىنىشىچە، بۇ نۆۋەتلىك مۇسابىقىنى ئاپتونوم رايونلۇق پارتكوم تەشكىلات بۆلۈمى، ئاپتونوم رايونلۇق پارتكوم تەشۋىقات بۆلۈمى بىرلىكتە ئۇيۇشتۇرغان، مۇسابىقە ئاپتونوم رايوننىڭ ‹‹مىللەتلەر ئىتتىپاقلىقى-تەرەققىياتى يىلى›› سەپەرۋەرلىك يىغىنى روھىنى ئىزچىل ئەمەلىيلەشتۈرۈشنى مەقسەت قىلغان.