خەلق تورى ئۇيغۇرچە قانىلىنىڭ 17-ئاۋغۇست بېيجىڭدىن بەرگەن تېلېگراممىسى:تەكلىپلىك مۇخبىرىمىز نىياز راھمان خەۋىرى، فوتوسى : «ئۈچ ئەل» خىزمىتى بويىچە ئاپتونوم رايونلۇق مائارىپ نازارىتىدىن 2 – تۈركۈمدە كۇچا ناھىيەسىنىڭ ئۈچئۆستەڭ يېزا ئارا مەھەللە كەنتىگە چۈشكەن5- خىزمەت گۇرۇپپىسىدىكىلەر ئائىلە زىيارىتى داۋامىدا دېھقانلارنىڭ كەنت يولىنى ياساش توغرىسىدىكى ئازۇلىرىدىن خەۋەر تاپقاندىن كېيىن دەرھال ھەل قىلىش ئۈستىدە ئىزدىنىپ، ناھىيەدىكى مۇناسىۋەتلىك ئۇرۇنلار بىلەن ماسلاشتۇرۇش ئارقىلىق 180 مىڭ يۈەن ھەل قىلىپ، 3000 مىتېر ئۇزۇنلۇقتىكى يولنىڭ شېخىل قۇرۇلۇشىدا ئىيۇندا ئىش باشلىغان بولۇپ، بۇ قۇرۇلۇش ئاۋغۇستتا پۈتۈپ، بۇ كەنتىدىكى 250 دىن ئارتۇق ئائىلىك 2000 غا يېقىن نۇپۇسنىڭ يول قاتناش مەسىلىسىنى تۈپتىن ھەل قىلىپ، ئارا مەھەللە دېھقانلىرىنىڭ تارىختىن بۇيان ھەل بولماي كەلگەن بۇ ئارزۇلىرىنى رېئاللىققا ئايلاندۇرۇپ، ھەر مىللەت ئاممىسىنى شاتلاندۇردى.
سۈرەتتە: 14- ئاۋغۇست دېھقانلار كەنت يول قۇرۇلۇشىدا قاتناش باشلانغانلىقىنى تەبىرىكلىمەكتە
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى