خەلق تورى ئۇيغۇرچە قانىلىنىڭ 6-ئىيۇل بېيجىڭدىن بەرگەن تېلېگراممىسى: (ئەھمەد مۇھەممەد، تۇرغۇن ھۆسىيىن فوتوسى) بىڭتۇەن قاتناش ئىدارىسىدىن تۇمشۇق شەھىرى 51- تۇەن 13- ليەنگە چۈشكەن «ئۈچ ئەل» خىزمىتى گۇرۇپپىسىدىكىلەر قاتناش تارماقلىرى بىلەن بولغان ئالاقىنى كۈچەيتىپ، 650مىڭ يۈەن مەبلەغنى قولغا كەلتۈرۈپ، بۇ ليەننىڭ 4- مەھەللىسىگە بارىدىغان 1300مېتىر ئۇزۇنلۇقتىكى يولىنى بەش مېتىر كەڭلىكتە ئاسفالتلاشتۇرۇپ، دېھقان ئائىلىلىرىنىڭ سەپەرگە چىقىشى قىيىن بولۇش مەسىلىسىنى ھەل قىلدى.
دېھقان ئابلىز كېرىم: ئىلگىرى بۇ يولدا ماشىنا - تىراكتور مېڭىپ قالسا ئادەم چاڭ - توزاندا قالاتتى، يامغۇر ياغقان كۈنلىرىدە ماڭغىلى بولمايتتى. ئەمدى ئاسفالت ياتقۇزۇلۇپ، بالىلار مەكتەپكە بېرىشتا، دېھقان ئائىلىلىرى ئېتىزلىرىغا كېۋەز يىغقىلى چىقىسا قىينالمايدىغان بولدى، بۇ ليەنگە چۈشكەن خىزمەت گۇرۇپپىسىدىكى كادىرلارنىڭ بىزگە قىلىپ بەرگەن ئەمەلىي ئىشى، ئۇلارغا كۆپ رەھمەت، - دېدى خۇشال ھالدا. (قەشقەر شەھىرى قىزىلدۆۋە يولى 440- قورۇ «زەرەپشان گېزىتى» ئۇيغۇر تەھرىر بۈلۆمى)
سۈرەتتە: 7- ئاينىڭ 6- كۈنى قۇرۇلۇش ئىشچىلىرى يولغا ئاسفالت ياتقۇزماقتا.
مۇھەررىر:ت. ئا.ئەركمان
مەنبە: خەلق تورى