خەلق تورى ئۇيغۇرچە قانىلىنىڭ25 -ئىيۇن بېيجىڭدىن بەرگەن تېلېگراممىسى:تەكلىپلىك مۇخبىرىمىز نىياز راھمان خەۋىرى، فوتوسى : كۇچا ناھىيەسىنىڭ ئىشخىلا بازىرى ئۈستۈنكى بىجاق ئىجتىمائىي رايۇن 5- گۇرۇپپىسىدىكى 28 ياشلىق مېيىپ ئايال شازادەم رېھىم 2008- يىلدىن بۇيان تىرىشچانلىقى ۋە جاسارىتى بىلەن مېيىپلىق ئۈستىدىن غالىپ كېلىپ، ئۆزىنىڭ كەشتىچىلىك ، تىككۈچىلىكتىن ئىبارەت ھۆنىرىگە تايىنىپ ، ئىگىلىك تىكلەش يولىنى ئاچتى . بۇلتۇر ئۇ مەھەللىنىڭ مەبلەغ ياردىمى ۋە دۇكان ئورنى ھەل قىلىپ بېرىشى بىلەن50 مىڭ يۈەنگە يېقىن مەبلەغ سېلىپ، « ئۈستۈنكى بىجاق كەشتىچىلىك ، تىككۈچىلىك ھەمكارلىق كوپىراتىپى » نى قۇرۇپ ۋە ئىشقا كىرىشتۈرۈپ، ئايلىق ساپ كىرىمىنى 5000 يۈەندىن ئاشۇرۇدى. ئۇ يەنە مەھەللىسىدىكى ئىككى نەپەر مېيىپنى ئۆز ئىچىگە ئالغان سەككىز نەپەر ئايالنى كوپىراتىپقا ئىشقا ئورۇنلاشتۇرۇپ، ئۇلارغا چىقىش يولى تېپىپ بېرىپ، ئەتىراپىدىكىلەرنىڭ قايىلىقىغا ئېرىشتى.
سۈرەتتە: 24- ئىيۇن شازادەم رېھىم ( سولدىن 1- كىشى ) كەشتە مالنىڭ سۈپىتىنى تەكشۈرمەكتە.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى