مەركىزىي تېلېۋىزىيە ئىستانسىسىنىڭ خەۋىرىگە قارىغاندا، شىنجاڭ ئۈرۈمچى شەھىرى سايباغ رايونى قىبلىتاغ كوچىسى بەنشەنپو مەھەللىسىدىكى بىر قۇرۇلۇش ئورنىدىن كىشىنى ھەيران قالدۇرىدىغان ‹‹ۋولقان ئېغىزى›› بايقالغان. بۇ ئېغىزنىڭ دېئامېتىرى 150 سانتىمېتىر بولۇپ، ئۆڭكۈرنىڭ تېگىگە كۆز يەتمەيدىكەن، ئىچى گۈرۈلدەپ كۆيۈپ، قىپقىزىل يېنىپ تۇرىدىكەن. ئۆلچەپ بېكىتىشلەرگە قارىغاندا، ‹‹ۋولقان ئېغزى››نىڭ گىرادۇسى ℃792 ئىكەن! كۆمۈر بايلىقىنى گېئولوگىيەلىك چارلاش خادىملىرىنىڭ مۇئەييەنلەشتۈرۈشىچە، بۇ يەر ئاستىدىكى كۆمۈر قاتلىمىنىڭ ئۆزلۈكىدىن كۆيۈپ غۇلاپ چۈشۈشىدىن پەيدا بولغان ئېغىز ئىكەن.