خەلق تورى ئۇيغۇرچە قانىلىنىڭ 12-ئاۋغۇست بېيجىڭدىن بەرگەن خەۋىرى: ئىختىيارىي مۇخبىرىمىز پولات نىياز خەۋىرى، فوتوسى: چەرچەن ناھىيەسى بۇ يىل كىرگەندىن بۇيان «چىلانچىلىق بىلەن خەلقنى بېيىتىش» ئىستراتېگىيەسىنى كۈچەپ يولغا قويۇپ، «2014-يىلى چىلانچىلىقنىڭ سۈپەتلىك، ئۈنۈملۈك، تېز، ئىمكانىيەتلىك سىجىل تەرەققىي قىلىشىنى ئىلگىرىلىتىش توغرىسىدىكى يولغا قويۇش پىكىر» نى تۈزۈپ، تېخىمۇ كۈچلۈك سىياسەت ۋە تەدبىرلەرنى قوللىنىپ، دېھقانلارنىڭ چىلانچىلىقنى تەرەققىي قىلدۇرۇش ۋە پەرۋىش قىلىش ئاكتىپلىقىنى قوزغاپ، چىلان پەرۋىشى سەۋىيەسىنى ئۆستۈرۈپ، مەھسۇلات مىقدارى ۋە ئۈنۈمىنى ئاشۇرۇپ، دېھقانلارنىڭ كىرىمىنى كۆپەيتىشكە ئاساس سالدى. يىل بېشىدا يېزا-بازارلار، يېزا ئىگىلىكىگە چېتىلىدىغان تارماقلارنى چاقىلىق ناھىيەسىگە بېرىپ چىلان پەرۋىشى تەجرىبىلىرىنى ئۆگىنىشكە تەشكىللەپ، چىلان پەرۋىشى سەۋىيەسىنى ئۆستۈردى. ناھىيە مالىيەسىدىن 10 مىليون يۈەن مەبلەغ چىقىرىپ، چىلانچىلىقنىڭ تەرەققىياتىغا مەدەت بەردى، ناھىيە بويىچە بۇ يىل يېڭىدىن 21 مىڭ مو چىلان تىكىلدى، ئۇلانغان ئەلا سورتلۇق چىلان كۆلىمى 10 مىڭ مو بولۇپ، چىلانلىق ئومۇمىي كۆلىمى 170 مىڭ مودىن ئېشىپ، چىلان تېرىش كۆلىمى ۋە ئومۇمى كۆلىمى ئۈزلۈكسىز كېڭەيدى. ئالدىنقى يېرىم يىلدا، ناھىيە بويىچە باغۋەنچىلىك تۈرىدىن 4 ى قولغا كەلتۈرۈلۈپ، 2 مىليون 886 مىڭ يۈەن ئەمەلىيلەشتۈرۈلدى.
سۈرەتتە: ئوييايلاق بازىرىدىكى ئابدۇللا توختىنىڭ قوناق بىلەن كىرىشتۈرۈپ بەرپا قىلغان چىلانلىرى.
تەرجىمە مۇھەررىرى: ت. ئا.ئەركمان
مەنبە: خەلق تورى