قەدىمدىن ‹‹ ئۈزۈم يۈرتى ›› دەپ ئاتالغان شىنجاڭ تۇرپان شەھىرىنىڭ ئومۇمىي ئۈزۈم كۆلىمى 450 مىڭ موغا يېتىدىغان بولۇپ ، 500 خىلدىن ئارتۇق ئۈزۈم سورتى بار. ھەر يىلى 200 مىڭ توننىدىن ئارتۇق ھۆل ئۈزۈم سىرتقا سېتىپ چىقىرىلىدىغان بولۇپ، نۆۋەتتە ، ئۈزۈملەر پىشىپ، بازارغا كىرىشكە باشلىدى.
يەرلىك ھۆكۈمەت دېھقانلارنىڭ سىرتقا توشۇيدىغان ھۆل ئۈزۈمىنى ھەقسىز تەكشۈرۈش ، ساختىلىقنىڭ ئالدىنى ئېلىش مەخسۇس بەلگىسىنى چاپلاش قاتارلىق مۇلازىمەتلەرگە مەبلەغ سېلىپ ، تۇرپان ئۈزۈمىنىڭ ماركىسىنى قوغداش سالىمىقىنى زور كۈچ بىلەن كۈچەيتتى .