- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
10 – ئىيۇن شىنجاڭدىكى ئوقۇغۇچى قوبۇل قىلىدىغان مەكتەپلەرنىڭ كەسىپ پىلانى ئۇچۇرى ئېلان قىلىنىدۇ
2014.06.10 02:50 مەنبە: تەڭرىتاغ ئۇيغۇرچە تورى
مۇخبىرنىڭ شىنجاڭ ئۇيغۇر ئاپتونوم رايونلۇق ئوقۇغۇچى قوبۇل قىلىش ئىشخانىسىدىن ئىگىلىشىچە ، 2014–يىللىق شىنجاڭدىكى ئوقۇغۇچى قوبۇل قىلىدىغان مەكتەپلەرنىڭ كەسىپ پىلانى ئۇچۇرى 10–ئىيۇن ئېلان قىلىنىدىكەن.
2014–يىللىق شىنجاڭدىكى ئالىي مەكتەپلەرنىڭ ئوقۇغۇچى قوبۇل قىلىش ئىمتىھانى خىزمىتىنىڭ ئەمەلىي ئەھۋالىغا ئاساسلانغاندا ، كېيىنكى قەدەمدىكى خىزمەت ئورۇنلاشتۇرۇشى تۆۋەندىكىچە : 8–ئىيۇندىن 14–ئىيۇنغىچە جاۋاب يېرىش كارتىسى (ئىمتىھان قەغىزى) يىغىۋېلىنىدۇ ، 10–ئىيۇن ‹‹ شىنجاڭ ئوقۇغۇچى قوبۇل قىلىش تورى (http：//www.xjzk.gov.cnياكى http：//www.xjzs.edu.cn) ›› دا 2014–يىللىق شىنجاڭدىكى ئوقۇغۇچى قوبۇل قىلىدىغان مەكتەپلەرنىڭ كەسىپ پىلانى ئۇچۇرى ئېلان قىلىنىدۇ ؛ 10–ئىيۇن بېيجىڭ ۋاقتى سائەت 8:00 دىن 19–ئىيۇن بېيجىڭ ۋاقتى سائەت 20:00 گىچە توردا ئارزۇ تولدۇرۇلىدۇ ؛ 13–ئىيۇندىن 24–ئىيۇنغىچە ئەسكەر ۋە ساقچىلىققا ، دۆلەت مۇداپىئەسى كەسپىگە ۋە جامائەت خەۋپسىزلىكى تۈرىدىكى مەكتەپلەرگە قوبۇل قىلىنغانلارنىڭ سىياسىي تەكشۈرۈشى ، يۈز تۇرانە ئىمتىھانى ، تەنتەربىيە ئىمتىھانى ۋە ھەربىي تەكشۈرۈشى ئېلىپ بېرىلىدۇ ؛ 14–ئىيۇندىن 25–ئىيۇنغىچە توردا ئىمتىھان قەغىزى تەكشۈرۈلىدۇ ؛ 25–ئىيۇن ئەتراپىدا نەتىجە ئېلان قىلىنىدۇ ؛ 28–ئىيۇن ئەتراپىدا ئاپتونوم رايونلۇق ئوقۇغۇچى قوبۇل قىلىش كومىتېتى شىنجاڭنىڭ 2014–يىللىق ئالىي مەكتەپلەرنىڭ ئوقۇغۇچى قوبۇل قىلىشتىكى ھەر قايسى تۈركۈمنىڭ ئەڭ تۆۋەن نومۇر چېكىنى ئېلان قىلىدۇ ؛ 3–ئىيۇن توردا ئوقۇغۇچى قوبۇل قىلىش باشلىنىدۇ .
8–ئىيۇن بېيجىڭ ۋاقتى سائەت 17:00 دە ، شىنجاڭنىڭ 2014–يىللىق ئالىي مەكتەپ ئىمتىھانىنىڭ 2–كۈنىدىكى ئىمتىھانى ئاخىرلاشتى ، شىنجاڭنىڭ ھەر قايسى جايلىرىدىن كەلگەن ئىنكاسلارغا قارىغاندا ، ئالدىنقى ئىككى كۈنلۈك ئىمتىھان مەزگىلىدە 26 كىشى بەلگىلىمىگە خىلاپلىق قىلغان . 2014–يىللىق ئىمتىھان ئورۇنلاشتۇرۇلۇشىغا ئاساسەن ، شىنجاڭدا 9 –ئىيۇن چۈشتىن كېيىن بېيجىڭ ۋاقتى سائەت 15:00 تىن 17:00 گىچە قوش تىل سىنىپلىرىنىڭ ئىنگلىز تىلى ئىمتىھانى ئېلىپ بېرىلىدۇ .
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
