- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئاپتونوم رايونىمىز ئەخلاق نەمۇنىچىلىرىغا كۆڭۈل بۆلۈش، ياردەم بېرىش پائالىيىتىنى قانات يايدۇردى
2013.11.12 15:53 مەنبە: شىنجاڭ گېزىتى
شىن ۋېنمىڭ خەۋىرى: ئاپتونوم رايونلۇق پارتكوم تەشۋىقات بۆلۈمى، ئاپتونوم رايونلۇق مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى يېقىندا ئەمگەك نەمۇنىچىلىرىدىن ھال سوراش، ياردەم بېرىش پائالىيىتىنى قانات يايدۇرۇپ، ئەمگەك نەمۇنىچىلىرىنى ھۆرمەتلەش، ئەمگەك نەمۇنىچىلىرىگە كۆڭۈل بۆلۈش، ئەمگەك نەمۇنىچىلىرىدىن ئۆگىنىش كەيپىياتىنى تەشەببۇس قىلىپ، پۈتكۈل جەمئىيەتنى ياخشى ئادەم ياخشىلىققا ئېرىشىدۇ، دەيدىغان قىممەت قارىشىنى تىكلەشكە يېتەكلىدى.
ئاپتونوم رايونلۇق 3 – نۆۋەتلىك ئەخلاق نەمۇنىچىلىرىنى باھالاش نەتىجىسى بۇ يىل 22 – ئاۋغۇست ئېلان قىلىندى؛ مەملىكەتلىك 4 – نۆۋەتلىك ئەخلاق نەمۇنىچىلىرىنى باھالاش نەتىجىسى 26 – سىنتەبىر ئېلان قىلىندى. ئاپتونوم رايونلۇق پارتكوم تەشۋىقات بۆلۈمى، ئاپتونوم رايونلۇق مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى ئەخلاق نەمۇنىچىلىرىنىڭ خىزمەت، تۇرمۇش، تۇرالغۇ شارائىتى، داۋالىنىش، ئىشقا ئورۇنلىشىش، مەكتەپكە كىرىش، كۈتۈنۈش ئەھۋالىنى ئىگىلىدى.
ئاپتونوم رايونلۇق پارتكوم دائىمىي كومىتېتىنىڭ ئەزاسى، تەشۋىقات بۆلۈمىنىڭ باشلىقى لى شۆجۈن 29 – ئۆكتەبىر خوتەندە ئاپتونوم رايونلۇق 3 – نۆۋەتلىك ئەخلاق نەمۇنىچىسى، ‹‹قۇملۇقنىڭ ئىچكىرىسىدە لېي فېڭ بىلەن بەسلەشكەن›› ئابلىز مەمەتنىياز، مەملىكەتلىك 4 – نۆۋەتلىك ئەخلاق نەمۇنىچىسى نامزاتى ‹‹شەخسىي ئاپتوموبىلىنى ئومۇمنىڭ ئىشلىرىغا ئىشلەتكەن تاغا›› ئەنۋەر مەنسۇر، ئاپتونوم رايونلۇق 2 – نۆۋەتلىك ئەخلاق نەمۇنىچىسى مەرھۇم مىجىت باقى ئائىلىسىگە مەركەز ۋە ئاپتونوم رايون رەھبەرلىرىنىڭ سەمىمىي سالىمىنى يەتكۈزدى ھەم ھال سوراش پۇلى بەردى.
ئاپتونوم رايونلۇق مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى، قورغاس ناھىيەلىك پارتكوم، خەلق ھۆكۈمىتىنىڭ ياردىمىدە ئاپتونوم رايونلۇق 3 – نۆۋەتلىك ئەخلاق نەمۇنىچىسى، مەملىكەتلىك 4 – نۆۋەتلىك ئەخلاق نەمۇنىچىسى نامزاتى جۇ يىپىڭ ئاغرىپ قالغان دادىسىنى 31 – ئۆكتەبىر شىنجاڭ تېببىي ئۇنىۋېرسىتېتى قارىمىقىدىكى 1 – دوختۇرخانىسىغا ئەكەلگەن ئىدى. دوختۇر، سېسترالارنىڭ كۆڭۈل قويۇپ داۋالىشى ۋە خەۋەر ئېلىشى بىلەن جۇ يىپىڭنىڭ دادىسى ئوڭۇشلۇق ئوپېراتسىيە قىلىندى.
مەركەز مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى 7 – نويابىردىن 10 – نويابىرغىچە ئاپتونوم رايونىمىزغا ئادەم ئەۋەتىپ، مەملىكەتلىك 4 – نۆۋەتلىك ئەخلاق نەمۇنىچىسى ‹‹ئۆمرىنى تەڭرىتاغدا قەبرە ساقلاشقا ئاتىغان كىشى›› چېن جۈنگۈي ۋە 42 يىلدا ھەرىكىتى ئارقىلىق كىشىلىك مۇھەببەتنى نامايان قىلغان جاڭ ياۋخۇادىن ھال سورىدى ھەم ھال سوراش پۇلى بەردى.
ئاپتونوم رايونلۇق مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى يېقىندا ئۈرۈمچى ۋە ئىلى قازاق ئاپتونوم ئوبلاستىدا سۆھبەت يىغىنى ئۆتكۈزۈپ، ئەخلاق نەمۇنىچىلىرىنى تەقدىرلەش ۋە ئۇلارغا ياردەم بېرىشتىكى تەجرىبىلەرنى خۇلاسىلىدى، ئەمگەك نەمۇنىچىلىرىنى يەنىمۇ ھۆرمەتلەش ۋە ئۇلارغا ياردەم بېرىش تەدبىرلىرىنى تەتقىق قىلدى.
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
