يېقىندا ئاۋات ناھىيەلىك تەشۋىقات بۆلۈم بىلەن بېيجىڭ يىڭخۇاچاڭ مەدەنىيەت تارقىتىش چەكلىك شىركىتى بىرلىكتە ئىشلىگەن ناخشا-ئۇسسۇلۇق ياشلار مۇھەببەت فىلىمى «ئەپەندى ۋە ئاۋات» تۇنجى قېتىم قويۇلدى.
«ئەپەندى ۋە ئاۋات» ناملىق بۇ فىلىمدە بېيجىڭدىكى داڭقى قالمىغان مۇزىكانت شيا يەننىڭ شىنجاڭدىكى دولان ناخشا-ئۇسسۇل ماكانى بولغان ئاۋات ناھىيەسىگە مۇزىكا ئىشلىگىلى كەلگەندە ساياھەتكە كەلگەن ژورنال تەھرىرى فاڭ شياۋتىڭ بىلەن ئۇچرىشىپ قالىدۇ. ئىككىيلەن سەپەردە ھەرخىل قىززىق ئىشلارغا يولۇقىدۇ، ئىللىق، رومانتىك، مۇھەببەت مۇھەببەت ھېكايىسى بارلىققا كېلىدۇ. ئىككىيلەن يەنە ئاۋاتتىكى يەرلىك مۇزىكا ئەترىتى «ئەپەندى گۇرۇپپىسى»دىكى ئۈچ ياش ئۇيغۇر مۇزىكانت بىلەن چوڭقۇر دوستلۇق ئورنىتىدۇ.
فىلىمدە مۇھەببەت، ناخشا-ئۇسسۇل، يول، مەنزىرە قاتارلىقلار بىر گەۋدىلەشكەن بولۇپ، بېيجىڭ ۋە ئاۋات ناھىيەسىنىڭ قۇملۇق، توغراقلىق قاتارلىق ۋەكىل خارەكتېرلىك ئورۇنلىرىدا سۆرەتكە ئېلىنغان. فىلىمگە يەنە ئاۋاتتىكى ئۇيغۇر خەلقىنىڭ ئۆرپ-ئادەتلىرى ۋە پۈتۈن دۇنيادا دىققەتكە سازاۋەر بولۇۋاتقان «دولان مەدەنىيىتى» ئېلېمېنتلىرى بىرلەشتۈرۈلگەن بولۇپ، شىنجاڭنىڭ زامانىۋىي مودا مۇزىكىلىق ياشلار فىلىمى بولۇپ قالغان.
مۇھەببەت فىلىمى «ئەپەندى بىلەن ئاۋات» تۇنجى قويۇلدى
