- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ھامان ھەر جايدا يالغۇزمەن
2015.04.27 10:31
لىرىكاڭ دىلنى ھۇشسىزلاپ ، يۈرەكنى دەرتكە رام قىلدىڭ ،
قۇتۇلماق پەسلى مەۋھۈمدۇر لېۋىمنى مەيگە جام قىلدىڭ .
چۈشۈمدىن سىرغىدى ئاخشام كۆڭۈلدە بىخلىغان ئارمان ،
ھامان تەڭلەپ نېچۈن كىرپىك تېنىمنى قەتلىئام قىلدىڭ ؟
سىمايىڭ تەپتىدە مەستخۇش ئىدىم ، ئەپسۇس ئەلەس بولدۇم ،
نېچۈن سەندە ئاياش ئالۋۇن ؟ ( كۆزۈمدىن قان تارام قىلدىڭ ... )
خيالىم چۆللىشىپ مەرتەم چۈشۈمگە تاشلىدىم قارماق ،
لېكىن ھەر جايدا يالغۇزمەن ! ۋىسالغا تۈننى تام قىلدىڭ .
رېئاللىق يامغۇزى ئۆتتى يۈرەككە ( ئۆچتى ئوت يالقۇن ! )
لېكىن ئەقلىڭگە مەن ھەيرانمەن .... ئۈمىدنى دىلغا شام قىلدىڭ !
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر