- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
تېڭىمدا جىلۋىگەر لالەم
2015.04.10 16:57 مەنبە: خەلق تورى
ساباغا مىنگىشىپ شەلپەر تېڭىڭنى تاۋلىدى، لالەم،
بېرىپ خەندانغا ئەركىڭنى سۆيۈكتە بالقىدى ئالەم.
دىلىمدا يامرىغان ئۆركەش سۈزۈك قەلبىڭنى چايقايدۇ،
مۇلاقات پەيتىگە ساھىب ۋىسالىڭ سۈلكىتى بەردەم.
كامالەت تەختىدە ھۆسنۈڭ كۆيۈپ رەيھاننى تاۋلايدۇ،
ئېچىرقاش دەۋرىگەن دىلغا لېۋىڭ شەربەتلىرى زەمزەم.
مېھىر سۆھبەتىگە ھەر ئان يورۇق سەمىڭنى چاقىردىڭ،
چېكەر رىشتەڭنى كۆكرەككە تەسەددۇق پەيتلىرىڭ مەھكەم.
قارا ھىجرانغا سۆز ئاچما، قىزىق باغرىمغا مۇز چاچما،
بىرە شەيتانلىرىڭ ۋەجى پەلەكنى قۇچقۇسى نالەم.
سېنىڭدە توشقۇسى ، دىلبەر، سۆيۈكنىڭ رىسقىسى دىلغا،
ئەزىز قىممەتنى ئۈزمەيدۇ سەھەر ئوتقاشلىغان شەبنەم.
باھاردىن نۇسخا ئالغان دىل بىھىش تەمىنى جۇغلايدۇ،
ئۈپۈك لەززەتلىرى، تەھقىق، كۆيۈك قەلبىڭگىدۇر مەلھەم.
دېمەك، ئەھدىمدە قۇت جەۋلان، قېنىپ كۈلمەككە دىل ئايۋان،
نىگار، مەيلىڭدىكى لەھزە تامام ئۆمرۈمگە تەڭ ئايەم.
تېڭىمدا پارلىغىن، لالەم، يېيىپ شەلپەرنى ئۈستۈمگە،
ساداقەت ئاچقۇسى، تۇيغۇن، بەخت ئىقبالىنى كۆركەم...
2011 – يىلى 11 – نويابىر، تۇرپان.
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
