توققۇزتاش (رىسالەت مەردان شىئېرلىرىدىن)

2012.11.29 16:43 مەنبە: خەلق تورى

پرىنتېرلاش

خەت چوڭ-كىچىكلىكى

يار ئۈستىدىكى ھېلىقى ئۆي
ھېيىتلىق نوقۇت يەۋاتقان بالىلار
ھويلىنى سۈپۈرىۋاتقان ئايال
چۇقىرىشىۋاتقان، قوغلىشىۋاتقان
بۇ ھېيىت شۇنداق باشلاندى
توققۇز تاشتىكى سەھەر پەيتىدە

مەن ئورنۇمدىن تۇردۇم قەشقەردە
يۈزۈمنى يۇدۇم سېغىنىش ئوتىدا
قۇياش ئايەملىك ئىسسىپ تۇراتتى
ھيىتلىق سالام بەردىم
-سالام قەشقەر!
-سالام توققۇز تاش!
مەن ھازىر بۇ يەردە
مەن ھازىر ھېيىتگاھتىن ناغرا ئاۋازىنى ئاڭلايمەن
ئاندىن كۆزلىرىمگە ئىسسىق ياش ئالىمەن
ئاندىن تەلمۈرىمەن كىچىك بالىدە
دېرىزىدىن يىراق يىراققا

توققۇز تاش نۇرلانغان چاغدا
ھېلىقى ئايال
سۈپۈرگىسىنى كۆتىرىپ
قايتىپ كىرەر ئۆيىگە
قايتىپ كىرەر سەھەردىن
روزى ھېيىت خوشاللىقىغا

-مەھەممەت تۇرغۇنجان ، قايتىپ كەللىمۇ ؟
ئىگىلىپ سالام بىرىۋاتقان ئاسماندىكى ئاي
سۈپۈرگىنى قويدى جايىغا....

مەسئۇل مۇھەررىر : قەدىرىيە