خەلق تورى ئۇيغۇرچە قانىلىنىڭ 2-ئىيۇن بېيجىڭدىن بەرگەن تېلېگراممىسى: 2015-يىلى 2-ئىيۇن، خەلقئارا پۇتبول بىرلەشمىسى تارىخىدىكى مۇھىم بىر كۈن. بۇ كۈنى، ئۇدا ۋەزىپە ئۆتەش پۇرسىتىگە ئېرىشكىلى ئۇزاق بولمىغان بلاتېر تۇيۇقسىز خەلقئارا پۇتبول بىرلەشمىسىنىڭ رەئىسلىك ۋەزىپىسىدىن ئىستېپا بېرىدىغانلىقىنى جاكارلىدى. ئۇنىڭ ئايرىلىشى تۆت يىلدىن ئۇزاق داۋاملاشقان خەلقئارا پۇتبول بىرلەشمىسىنىڭ ئىچكى ئۇرۇشىغا خاتىمە بەرمەستىن، كۆلىمى تېخىمۇ چوڭ بولغان ئۇرۇشنىڭ مۇقەددىمىسىنى باشلىدى. خەلقئارا پۇتبول مۇنبىرىنى سۈرگۈن-توقاي قىلىدىغان قارا قۇيۇن يېتىپ كەلدى، ئىلگىرى يۈز بەرگەنلەرنىڭ ھەممىسى ئۇنىڭغا بېرىلگەن ئەسكەرتىش خالاس.
بىر نەچچە كۈن بۇرۇن، يەنى خەلقئارا پۇتبول بىرلەشمىسى يىغىنىدا بىلەت تاشلاپ بلاتېرنى رەئىسلىككە يەنە سايلاشنىڭ ھارپا كۈنى، ئامېرىكا بىلەن شۋېتسارىيەنىڭ ئەدلىيە ئورگانلىرى بىرلىشىپ «كۇپتىكى تاشپاقىنى تۇتۇش» ھەرىكىتىنى يولغا قويۇپ، يىغىنغا قاتناشقان خەلقئارا پۇتبول بىرلەشمىسى ۋە ئۇنىڭ قول ئاستىدىكى بىر نەچچە ئەمەلدارنى قولغا ئالدى. شۇ چاغدا ياۋروپا پۇتبول بىرلەشمىسىنىڭ رەئىسى پلاتىنى كۆزىگە ياش ئېلىپ تۇرۇپ بلاتېرنىڭ ئىستېپا بېرىشىنى ئۆتۈنگەنىدى. 79 ياشلىق شۋېتسارىيەلىك بۇ بوۋاي مۇنداق دېدى: ھازىر ئىستېپا بەرگەن بىلەن كېچىكتى. بۇ خۇددى «يانىڭ كىرىچى تارتىلدى، ئوقنى ئاتماي بولمىدى» دېگەندەك ئىش.
مەنبە: خەلق تورى