(سۈرەتتە: ئۆسمۈر چاڭغا تېيىلىش ماھىرلىرى چاڭغا تېيىلماقتا)
ئىقتىساد گېزىتى مۇخبىرى دىلشاد غوجائەھمەد خەۋىرى، فوتوسى؛ خەلقئارا چاڭغا تېيىلىش بىرلەشمىسى تەشكىللىگەن، دۆلەت تەنتەربىيە باش ئىدارىسى ياش – ئۆسمۈرلەر مەھكىمىسى، قىشلىق تەنھەرىكەت تۈرلىرىنى باشقۇرۇش مەركىزى، جۇڭگو چاڭغا تېيىلىش جەمئىيىتى ياردەملەشكەن، ئاپتونوم رايونلۇق تەنتەربىيە ئىدارىسى قاتارلىق ئورۇنلار ئۆتكۈزگەن «دۇنيا قار كۈنى» نى خاتىرىلەش پائالىيىتى 18 – يانۋار شىنجاڭ «يىپەك يولى» خەلقئارا چاڭغا تېيىلىش مەيدانىدا ئۆتكۈزۈلدى. «بالىلارنى ئېلىپ قار تېيىلايلى» بۇ قېتىمقى پائالىيەتنىڭ مۇھىم تېمىسى بولۇپ، ئىگىلىشىمچە بۇ پائالىيەت بېيجىڭ ۋە جاڭجياكوۋنىڭ 2022 – يىللىق قىشلىق ئولىمپېكنى بىرلىكتە ئۆتكۈزۈشنى ئىلتىماس قىلىنىۋاتقان شارائىتتا تەشكىللىنىپ، شۇ كۈنى مەملىكەت بويىچە بېيجىڭ، تيەنجىن، شىنجاڭ قاتارلىق 15 ئورۇندا بىرلا ۋاقىتتا ئېلىپ بېرىلغان.