ئۈچ ئۇيغۇر ئۆسمۈر u15 كوماندىسىنى تەشكىللەش مەشىقىگە قاتنىشىدۇ

2013.05.20 09:53   مەنبە: خەلق تورى

　　خەلق تورىنىڭ 20-ماي بېيجىڭدىن بەرگەن خەۋىرى. ئالدىنقى ھەپتە، جۇڭگو پۇتبۇلچىلار جەمئىيىتى 8-ئايدا ئېلىپ بېرىلىدىغان ئىككى قىرغاق ياش-ئۆسمۈرلەر مۇسابىقىسى ۋە ئىكككىنچى نۆۋەتلىك ئاسىيا ياشلار تەنھەرىكەت يىغىنىغا قاتنىشىدىغان u15 كوماندىسىنى مەشىققە تەشكىللەش ئۇقتۇرۇشىنى تارقاتتى.

　　ئۇقتۇرۇشتىكى مەشىققە قاتنىشىدىغانلارنىڭ تىزىملىكىدە شەندۇڭ لۇنىڭ كوماندىسىدىن مەشىققە بارىدىغانلار ئەڭ كۆپ بولۇپ، يېرىم ساننى ئىگىلىگەن. ئادەمنى خۇشال قىلىدىغىنى شۇكى، بۇ تىزىملىككە يەنە دالىيەن ئاربىن كوماندىسىدىكى ھاشىم غېنى (1999-يىلى 1-ئاينىڭ 2-كۈنى تۇغۇلغان)، شىنجاڭ سۇڭ چىڭلىڭ مەكتىپىدىكى ئابدۇمالىك تۇردى، قەشقەر پۇتبۇلچىلار جەمئىيتىدىن ئەكبەر ئەھەت (1997-يىلى 2-ئاينىڭ 4-كۈنى تۇغۇلغان)لەرمۇ كىرگەن.

　　تىزىملىكتىكى نامزاتلار 18-مايدىن 25-مايغىچە، ۋۇخەندە تەشكىللىك مەشىق قىلىدىكەن.