26-يانۋار، مىسىر ئاخلي كوماندىسىنىڭ ھەۋەسكارلىرى ئاخلي كۇلۇبىنىڭ مەشىق مەيدانىدا شوئار توۋلىماقتا. شۇ كۈنى، پۈتۈن دۇنيانى زىلزىلىگە سالغان مىسىر سەئىد پورتىدىكى ئېچىنىشلىق پۇتبۇل ۋەقەسىگە سوت ئېچىلىپ، ۋەقەگە چېتىشلىق 21 ئادەمگە ئۆلۈم جازاسى بېرىلدى. سوتتا جازا ئېلان قىلىنغاندىن كېيىن، مىسىردا قالايمىقانچىلىق يۈز بەردى. نۆۋەتتە ئاز دېگەندە 22 ئادەم ھاياتىدىن ئايرىلدى. 2012-يىلى 1-فېۋرالدا، مىسىر ئاخلي كوماندىسى بىلەن سەئىد پورتىدىكى مىسىرلىقلار كوماندىسى سەئىد پورتى پۇتبۇل مەيدانىدا مۇسابىقە ئېلىپ بارغان ئىدى. مۇسابىقىدىن كېيىن، چوڭ كۆلەمدە قالايمىقانچىلىق كېلىپ چىقىپ، ئاز دېگەندە 74 ئادەم قازا قىلغان ئىدى.