دىپلوماتىيە مىنىستىرلىقى جۇڭگونىڭ يېرىم ئارالنىڭ جىددىي ۋەزىيىتىنى پەسەيتىشتىكى رولىنى تونۇشتۇردى

　　3-ئاينىڭ 15-كۈنى، دىپلوماتىيە مىنىستىرلىقىنىڭ باياناتچىسى ۋاڭ ۋېنبىن رەسمىيەتلىك مۇخبىرلار يىغىنىغا رىياسەتچىلىك قىلدى.

بىر مۇخبىر يېقىندا چاۋشيەندە ئارقا-ئارقىدىن ئوق يولىلىق باشقۇرۇلىدىغان بومبا ۋەقەسى يۈز بېرىپ، يېرىم ئارالنىڭ جىددىي ۋەزىيىتىنى كەسكىنلەشتۈرۈۋەتتى. جۇڭگو يېرىم ئارال مەسىلىسىنى ھەل قىلىشتا چاۋشيەن مۇۋاپىق كۆڭۈل بۆلىدىغان مەسىلىگە ئەھمىيەت بېرىشنى تەشەببۇس قىلدى، كورىيە كورىيە كۆڭۈل بۆلىدىغان يوللۇق بىخەتەرلىك مەسىلىسىنىڭمۇ ھۆرمەت قىلىنىشى كېرەكلىكىنى بىلدۈردى، جۇڭگونىڭ يېرىم ئارالنىڭ جىددىي ۋەزىيىتىنى پەسەيتىشتىكى رولىنى چۈشەندۈرۈپ بېرەلەمسىز؟ دەپ سورىدى.

ۋاڭ ۋېنبىن مۇنۇلارنى بىلدۈردى: يېرىم ئارال ۋەزىيىتىنىڭ تەرەققىي قىلىپ بۈگۈنكى كۈنگە كېلىشىدە مەسىلىنىڭ تۈگۈنى ھەممىگە ئېنىق، ئامېرىكىنىڭ چاۋشيەن قوللانغان يادروسىزلاشتۇرۇش تەدبىرىگە ئىنكاس قايتۇرماي ئەكسىچە چاۋشيەنگە بېسىم ئىشلىتىپ، تەھدىت سېلىشنى ئۈزلۈكسىز كۈچەيتىشى بۇنىڭدىكى ئاساسلىق سەۋەب بولالايدۇ. ۋەزىيەتنىڭ نۆۋەتلىشىپ كۈچىيىشىنىڭ ئالدىنى ئېلىپ، يېرىم ئارالنىڭ تىنچلىقى ۋە مۇقىملىقىنى قوغداش ھەرقايسى تەرەپلەرنىڭ ئورتاق مەنپەئەتىگە ئۇيغۇن. ئالاقىدار تەرەپلەر ئورتاق، ئۇنىۋېرسال، ھەمكارلاشقان، ئىمكانىيەتلىك سىجىل بىخەتەرلىك قارىشىدا چىڭ تۇرۇپ، ئۆزلىرىنىڭ ئادا قىلىشقا تېگىشلىك مەسئۇلىيىتىنى ئۈستىگە ئېلىپ، ئەھمىيەتلىك سۆھبەت ئارقىلىق ئۆزلىرىنىڭ مۇۋاپىق كۆڭۈل بۆلىدىغان مەسىلىلىرىنى تەكشى ھەل قىلىشى كېرەك. جۇڭگو داۋاملىق قوش يوللۇق تەڭ ئىلگىرىلەش تەپەككۇرى ۋە باسقۇچلۇق ماس قەدەمدە مېڭىش پىرىنسىپى بويىچە، يېرىم ئارال مەسىلىسىنى سىياسىي يول بىلەن ھەل قىلىش مۇساپىسىنى ئىلگىرى سۈرىدۇ.



　　كۆرۈپ بېكىتكۈچى: تۇرغۇن ئابلىز


　　مەنبە: خەلق تورى