ھەر بىر ئادەم 1600 يۈەن ئالالايدۇ، بۇ يەردە يەنە پاراۋانلىق تارقىتىلدى

　　يېشىل ئېنېرگىيە تېجەش ئىستېمالىنىڭ يوشۇرۇن كۈچىنى قويۇپ بېرىشنى تېزلىتىپ، ئىستېمال دەرىجىسىنى ئۆستۈرۈشنى ئىلگىرى سۈرۈش ئۈچۈن، بېيجىڭ-تيەنجىن-خېبېي ئىستېمال پەسلىدىكى مۇھىم تەدبىر سۈپىتىدە, 3-ئاينىڭ 11-كۈنى بېيجىڭ تۇنجى تۈركۈمدىكى جىڭسەي يېشىل ئىستېمال بېلىتى تارقاتتى.

　　مۇخبىرنىڭ بېيجىڭ شەھەرلىك سودا ئىشلىرى ئىدارىسىدىن ئىگىلىشىچە، بېيجىڭ شەھىرى 3-ئاينىڭ 11-كۈنىدىن 31-كۈنىگىچە، ھەر كۈنى چۈشتىن بۇرۇن سائەت 10:00 دىن باشلاپ بېيجىڭدىكى ئىستېمالچىلارغا يۈزلىنىپ، تۇنجى تۈركۈمدە قاتناشقان 13 كارخانا تور سۇپىسى ئارقىلىق جىڭسەي يېشىل ئىستېمال بېلىتى تارقىتىدىكەن، بۇ بېلەتنى توردا ۋە تور سىرتىدا ئىشلىتىشكە بولىدىكەن. بۇ مەزگىلدە بېيجىڭدىكى ئىستېمالچىلار كارخانىلارنىڭ تور سۇپىسىدا پائالىيەتكە قاتناشسا قىممىتى 100 يۈەندىن 600 يۈەنگىچە بولغان نۇرغۇن ئىستېمال بېلىتى ئالالايدۇ، ئوخشاش بىر ئىستېمالچى ئوخشاش بىر سۇپىدا ئەڭ كۆپ بولغاندا 1600 يۈەنلىك بەش ئىستېمال بېلىتى ئالالايدۇ، ئىستېمال بېلىتىنى ئىشلىتىش مۇددىتى 3-ئاينىڭ 31-كۈنىدىن بۇرۇن بولىدۇ. ئىگىلىنىشىچە، ئىستېمال بېلىتىگە ماس كېلىدىغان تاۋارلار شەرتكە ئۇيغۇن كېلىدىغان يانفون، خاتىرە كومپيۇتېر، تىزگىنەكلىك ئادەمسىز ئايروپىلان، تاختىسىمان كومپيۇتېر قاتارلىق 55 خىل ئەقلىي ئىقتىدارلىق تاۋارنى ئۆز ئىچىگە ئالىدىكەن.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى